【娛場】尹光落廟街平反 ：我唔鹹濕亦唔粗口
「喂喂荷里活有間大酒店，有三個肥婆學踢波…」
「你阿媽大減價益你阿爸，養家日夜捱確唔易…」
「我咪埋雙眼就數波波 ，如要我數齊有千萬個…」
有「廟街歌王」之稱的尹光，縱橫演藝界超過50年，他的作品充份反映香港本土的大眾文化，但對於「廟街歌王」，「鹹濕歌王」，甚至「粗口歌王」這些「美譽」，身處廟街的尹光就略有微言：「其實我從來都冇喺廟街唱過歌！只不過我嘅唱片，當年喺呢度好好賣，唱片鋪日播夜播，所以啲人咪叫我「廟街歌王」囉！至於「鹹濕歌王」同「粗口歌王」，我從來都冇唱過任何粗口，諧音就有，鹹濕歌？意會嚟啫！」
#娛場
#東網巨星 #東網
當年是越南闊少的尹光坦言，年輕的時候都有不少狂蜂浪蝶，但遇到太太時，就知道光嫂就是陪伴一生的人：「我哋係連贏位嚟嘅！有我就有佢，有佢就有我，做夫妻嘅嘢，不外乎就互相遷就下，就下就下，就一世㗎啦！」
而曾經經歷兩次生死的尹光，對於人生就有好深切的體會，想知道這個「Mr.ONE」係咪「少理阿爸」？立即收睇【娛場】啦！