Рет қаралды 1,171
本身搭漢莎航空由曼城飛法蘭克福轉機返香港!
點知飛前一個月收到Email話取消!(真係要留意Email)
打去所在地嘅熱線電話,每次等起碼15-20分鐘~
職員話無其他機,因為我一早定咗隔離酒店,一定要指定日子返香港!
所以轉咗同日由倫敦飛法蘭克福,接返同一班機返香港!
點知飛前一個星期政府改政策,唔駛隔離,由3+4變0+3!
又即刻打去問可唔可以改機票,竟然每個職員唔同答案!
所以打了幾次電話!
好彩最後成功免費改了機票,轉了日子變返曼城飛!
不過改搭了聯營嘅瑞士航空,喺蘇黎世得個幾鐘轉機!
本身法蘭克福轉機要等成6個鐘,所以好好多!
曼城check in唔駛排隊,只檢查綠碼QR code!完全無檢查自己個快測!不過帶定比較穩陣!
安檢排隊排咗一個鐘有多,其他乘客話應該係唔夠人手返工!
所以都係提前三個鐘去機場比較穩陣!
如果旺季,我諗仲等得耐!
去到蘇黎世要搭列車去另一航廈,又要再安檢!
去到閘口,佢有一個專櫃係逐個檢查綠碼QR code!
排隊登記前一定要俾佢檢查完得到個藍印章,先可以登機!
最後登機先發現原來佢編咗我坐第一行,即刻好開心~
因為可以好快落機去做檢測,所以完全唔駛排隊~
檢測要準備身分證同綠碼QR code!
佢會俾個綠色有barcode牌你掛住!要一直掛住!
之後就過關拎行李! 唔多機,所以都好快~
當日只得B區出閘口一個可以出去!
臨出去前佢會scan你個綠色牌barcode同埋俾張紙你提你去登記~
要登記咗先QR code碼去上傳每日快測!
同埋抵港後第二日計起,第二、四、六日都要去做核酸檢測!
(落機後好似好難搵俾入境人士去嘅廁所,最好臨落機前去定,出閘後抵港大堂就有廁所!)