雲林麥寮通講是風頭水尾，過去因為東北季風的緣故，無適合棒球運動戶外的訓練。這陣麥寮高中已經佇濟濟人士的幫忙之下，開始起訓練基地簡單的室內棒球場，選手就會當閣較穩定練球，創造好成績。麥寮高中球員王浩然自臺東來到雲林拍球，伊歡喜有這款機會，嘛希望仝款來自臺東的棒球小朋友，珍惜真歹得著的每一種棒球資源。