#ياسر_التويجري #كواليس_ياسر_التويجري #قصيد #قصيد #ابيات #ذكرى_البيعة_السادسة_لولي_العهد
عبدالعزيز ويثمر الغصن ويميل
والشعر ينضح دره وكهرمانه
وشعر ما يبدا في معز ي اذا قيل
ماله لزوم ولا لمعناه خانه
عطية الله للصدور المماحيل
و ارادة الله و اقتداره وشانه
حر طلع على السنين المقابيل
وشابط قرانيس الهوا بحومانه
شرب فناجيلٍ وكسر فناجيل
لين انتزع له فالخريطه مكانه
حول على العارض من الشرق تحويل
العز بحزامه وفي جبخانه
ما جاء يدور نفط والا براميل
جاء يسحب التاريخ مع هطل اذانه
ثار العجاج و ذيرن المقاييل
والكل قدم درعه وعود زانه
وقامت رياجيلٍ تسابق رياجيل
ومعزي لحاله يسابق زمانه
ما له شبيه الا أنت يا صفوة الجيل
فمروته وبقوة زعيتمانه
أنت أنت يا طب الكبود المعاليل
يا حاكمٍ جاء في وعده و اوانه
سيف المليك اللي ما يحتاج تأويل
سلمان سلمان الوفا والضمانه
قرت عليك حزوم نجد التراتيل
وعطتك هومات الملوك الحصانه
وتزاحمت بك طيبات التفاصيل
وتبلورت عز وشموخ و رصانه
جمر تشضى من جروم الدحاميل
ولضىً يذوب فضة الشمعدانه
يا قاطع النظره ويا وافي الكيل
يا كل شي من الدهاء والفطانه
لك في صدور الشعب ريف ومداهيل
و روض يخالط ربلته قحويانه
وجيش يدك المحكمات المقافيل
بأمرك تحرك بطشه وعنفوانه
يا سيد المقبل وهالحين و اقبيل
يا أمن الوطن وامن المواطن وامانه
على سنا طلعك صدوق المخاييل
و رزيم وسمٍ قام يلحى سمانه
عذبٍ تطلق من يدين المساييل
لين استوى خشم الطويل وطمانه
ان قيل وين العلم قلت المحاصيل
و ان قيل وين المرجله قلت عانه
صدقٍ يكاسر بالفعول الأباطيل
و ليثٍ كسب فيه المواطن رهانه