Filmin qəhrəmanları Birinci Qarabağ müharibəsində bir çox insanı, o cümlədən jurnalist Çingiz Mustafayevi Kərkicahan döyüşündə xilas edən, cəsur qəhrəmanlıqlar göstərərək şəhidlik zirvəsinə ucalan Çingiz Cəfərovun ailəsidir.
Şəhid olan həyat yoldaşının itkisi ilə barışmayaraq özünə qəsd edən üç uşaq anası Aybənizi Ulu Öndər Heydər Əliyevin xüsusi tapşırığı ilə, nəzarətdə saxlayaraq, həkimlər həyata qaytara bilir. İllər keçir… Uşaqlar böyüyür. 2020-ci ildə Ali Baş Komandanın 27 sentyabr tarixli əks həmlə əmri ilə qələbə yaşanır, Qarabağ ağrısının qisası torpaqların qayıdışı ilə sona yetir. İstər 44 günlük müharibə ərzində, istərsə də post-müharibə dövründə Emil və anası Aybəniz xanım vətənə faydalı olmaq üçün əllərindən gələni əsirgəmirlər. Hazırda rahat yaşayışlarından imtina edərək, könüllü olaraq Aybəniz xanım Şuşada fəhlələrə yemək bişirir, Emil isə təmizlik işləri ilə məşğuldur.
Ssenari müəllifi və rejissor - Elvin Mirzəyev
Operatorlar - Elşən Bədəlov
Exlan Rüstəmov
Prodüser - Fatimə Əzimova
Layihə rəhbəri - Elçin Musaoğlu