Yaponlar ölkəmizdən aldığı 1 ton biyan balını yerli bazarlarda satırlar - Baku TV
Saatlıdan olan məhşur arıçı Ehtiram Məmmədov illərdir arıçılıq təsərrüfatında biyan balının istehsalı ilə məşğuldur. Biyan çiçəklərinin şirəsindən çəkilən balı Azərbaycanda ilk dəfə o istehsal edib. İllərdir ki, Saatlının Sımada kəndinin çöllüyündə qoruduğu yüz hektarlarla biyanlıqda yerləşən 50-dən çox arıxanada sırf biyan balının istehsalı ilə məşğuldur.
Bitkinin kökünün əczaçılıq sənayesində əhəmiyyətini görən arıçı hesab edir ki, gülündən çəkilən balın müalicə əhəmiyyəti daha çoxdur. Biyan bitkisi özlüyündə bir çox xəstəliklərin müalicəsində əvəzsiz rol oynadığı kimi, biyan balının da şəfaverici xüsusiyyətləri danılmazdır.
Qeyd edək ki, Muğan çölündə, optimal iqlim şəraitində bitən şirin biyanın analoqu yoxdur. Dünyanın ən dadlı biyanı məhz Mil-Muğanda bitir. Ona görə də bu ərazidə alınan biyan balı əvəzsizdir. Necə deyərlər, böyük bir əczaçılıq fabrikinin gördüyü işi bu möcüzəvi arı ailələri həyata keçirir. Məhz effektif müalicəvi əhəmiyyətinə görə yaponlar biyan balı növünə böyük maraq göstərir. Hətta bütün yoxlamalardan sonra hər il Ehtiram Məmmədovun arıçılıq təsərrüfatında olan biyan balından bir tona yaxın bal alaraq Yaponiya bazarında satırlar.
Təkcə yaponlar yox, çinlilər və amerikalılar da bu bala böyük maraq
göstərir. Qiyməti isə 25-30 manat arasında dəyişir. Balın tərkibinin 90%-i sırf biyan balıdır. Ehtiram Məmmədov bu il hər qutudan orta hesabla 30 kq bal toplamağı, bir tondan çox məhsul əldə etməyi düşünür.
Bu günə kimi Saatlıda arıçılar tərəfindən ilk bal süzümü tam olaraq yekunlaşıb. Hazırda ikinci süzümlə yanaşı, biyan balının süzülməsi də davam edir.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
/ www.baku.tv
/ __baku_tv__
baku.tv
Kanalda bütün müəllif hüquqları qorunur.
#BakuTv #Azerbaycan #trend