Yardımlının Kürəkçi kəndindən Vətən müharibəsinin qəhrəmanı, şəhidimiz, "Tənha canavar" ləqəbli mayor Elçin Elşən oğlu Mansurovun (25.XI.1984-11.X.2020) doğum günü ilə əlaqədar təntənəli xatirə gecəsi paytaxt Bakıda N saylı Hərbi hissə, tanınmış Təlim-Tədris Mərkəzinin 500 nəfərlik salonunda 25 noyabr 2021-ci ildə keçirilirdi. Qəhramanımızın anası, hörmətli Məleykə xanım Məcidova da keçiriləcək tədbirə mənə zəng vurub Bakıdan dəvət etmişdi.Respublikanın tanınmış ziyalı, məmur, jurnalist, əsgər və zabitlərin, o cümlədən generalların toplandığı bu 500 nəfərlik salonda bir həmyerli, bir muzey direktoru kimi çıxış etmək mənim üçün qürurverici, həm də olduqca məsuliyyətli idi.Ona görə çıxışımda həyacanlanıb, deyəcəyim çox şeyi deyə bilmədim, həyacanım qürurumu üstələmişdi, amma mən həmyerlim ,Vətən müharibəsi qəhrəmanı Elçinimzlə salonda fəxr edir, elə ona görə də çox emosional danışırdım.
Məlumat verim, 2020-ci il 27 sentyabrda başlayan Vətən müharibəsində "Tənha canavar" ləqəbli mayor Elçin Mansurovun komandirliyi altında 24 nəfərlik qrupdan ibarət heyyət heç bir itki vermədən düşmən postunu ələ keçirib. Yenə də sonrakı döyüşlərdə 17 şəhid, 5 yaralı olmaqla qanlı döyüşlərdə qisa müddət ərzində düşmənin olduqca strateji əhəmiyyətli 3 postunu ələ keçirib, 30 ildən sonra azad olunmus mövqeyə bayrağımızı sancmıslar.İkinci hücum zamanı isə cəmi 45 deqiqe ərzində düşmənin 2 esalonunu darmadağın etdikdən sonra qorxmaz qəhrəmanımız mayor Elçin Mansurov tabeçiliyində olan qrupdan ayrılaraq, düşmən bölmələrinin yerləşdiyi dərinliklere təkbaşına hücum edərək, daha 22 düşmən əsgərini təkbətək məhv edib geri qayıdan zaman “Buğra dərəsi” adlanan ərazidə düşmən snayperi tərəfindən vurularaq arzusunda olduğu şəhidlik zirvəsinə yüksəlmişdir. Şəhid olduqdan 12 gün sonra 11 oktyabr 2020-ci ildə mayor Elçinin cənazəsi doğma Yardımlıya yox, məhz qəhrmanlıqlarından komandanlığın tövsiyyəsi ilə Bakı şəhərində II Fəxri Xiyabana gətirilərək böyük izdihamın müşayiəti ilə general Polad Haşımovun dəfn edildiyi məzarlıqların yanında dəfn edilmişdir.
Şücaətilə, zaman-zaman qəhrəmanlıqları ilə, həm də uca məqam şəhidliyilə Yardımlını göylərə qaldırdın Vətən oğlu, Mübariz kimi Mübarizimiz Elçinimiz! İşıqlar içində uyusun!