Рет қаралды 5,170
Yardımlının dağlıq relyefi üçün bir zaman, yəni SSRİ dövründə DT-75 traktoru kənd təssərüfatı, tikinti, yol çəkilişlərində əvəzsiz mexanizasiya vasitəsi idi.Sovet dövründə rayonumuzun bütün sovxoz-kolxoz təsərrüfatlarında, habelə digər Texnika birliyi, Meşə İdarəsi, Yanğınsöndürmə idarəsi,İstehlak Cəmiyyətində, Tikinti idarələrində bu və ya bu tipli traktorlar var idi.Məhz, Sovet dövründə bu texnikaların sayəsində, o cümlədən CTZ iri buldozerlərin sayəsində bütün 86 kəndlərimizə avtomobil yolları çəkilmişdi.Həm də Yardımlının əksər dağ yamaclarına, hətta ucqar zirvələrə, meşə dolaylarına da bu texnika ilə yollar çəkilmişdi və zəhmətkeşlər, kolxozçular biçənəkdən, həm də tarlalardan məhsulları həm yük avtomobilləri ilə, həm də bu texnikanın qoşqusu ilə rahat şəkildə ünvana daşıyırdı.SSRİ dağılandan sonra bu texnikalar daha rayona gəlmədi, olanların da əksəriyyəti istismar müddətin başa vurduğu üçün yox oldu.Tək-tək qalanlar da çox çətinliklə, ağır məsrəflərlə bu texnikanı saxlayır.İndi daha o illərdəki kimi ev yeri açdırmaq, yol çəkdirmək ucuz deyil və adamlar ötənlərə baxanda DT 75 xoş xatirələrlə yad edir.Biz də o nostaljidən Yardımlının Teşkan kəndindən hələ də sevə-sevə qoruyub saxladığı DT 75-n sahibi ağsaqqal Təzəxan kişi Sultanovla müsahib olduq və sizlərə təqdim etmək istəyində olduq.
Bizi müntəzəm videolarla izləmək istəyirsinizsə, kanalımıza da abunə olmağı unutayın!