Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
1992-ci ildə Yardımlının Çayüzü kəndində anadan olan Tural Elşən oğlu Aslanov ixtisasca müəllim olmaqla yanaşı, həm də leytenant rütbəsində ehtiyatda olan zabit idi. Vətən müharibəsi başlayanda Ana Vətən onu da öz harayına çağırır. Tural Aslanov ötən il oktyabrın 3-də tağım komandiri vəzifəsində döyüşlərə qatılır. O, Füzuli, Cəbrayıl,Xocavənd, Qubadlıda gedən ağır döyüşlərdə əsgərləri ilə birlikdə igidliklə döyüşür. Noyabrın 5-də qələbəyə 3 gün qalmış Şuşa uğrundakı döyüşlərdə qəhrəmancasına şəhid olur. Ölümündən sonra ölkə başçısı tərəfindən “Vətən uğrunda” və “Şuşanın azad olunmasına görə” medalları ilə təltif olunub.
Rayonun Kürəkçi kəndində anadan olan, müddətdən artıq xidmət edən əsgər Elçin Sarvan oğlu Əliyev də tankçı vəzifəsində Füzuli və Cəbrayıl istiqamətində uğurlu döyüş yolu keçib. 25 yaşlı Elçin nişanlı olmasına baxmayaraq vətən sevgisini hər şeydən uca tutaraq tankçı yoldaşları ilə birlikdə müharibəyə gülə-gülə qatılır. Qəhrəman tankçı Vətən müharibəsinin 3-cü günündə, sentyabrın 29-da Cəbrayılda bir sıra mövqelərin alınmasında igidlik göstərərək şəhidlik zirvəsinə ucalır. Elçin Əliyev ölümündən sonra “Vətən uğrunda” və “Cəbrayılın azad olunmasına görə” medalları ilə təltif olunub. Bildirək ki, Yardımlı rayonunun kürəkçi kəndindən Vətən müharibəsində 68 nəfər iştirak edib, onlardan 4-ü şəhidlik məqamına ucalıb.
Zəfər savaşının ən gənc qəhrəmanlarından biri də 2002-ci ildə rayonun Avaş kəndində doğulmuş Mayıllı Mahmud Əflatun oğludur. Əsgər kimi hərbi hissələrin birində xidmət edən Mahmud, sentyabrın 27-də Vətən müharibəsi başlayanda elə həmin gün könüllü olaraq döyüşələrə qatılır. Mühüm döyüş əməliyyatlarında kəşfiyyatçı kimi igidlik göstərən əsgərlə ailəsi axırıncı dəfə 12 oktyabrda əlaqə saxlayıb. Bu tarixdən sonra cəsur döyüşçü ilə əlaqə kəsilib. Mahmud Mayıllı Füzuli-Xocavənd istiqamətində gedən ağır döyüşlərdə qəhrəmancasına şəhadətə ucalıb. Onun nəşi 29 oktyabrda neytral zonadan götürülərək kimliyi məlum olunandan bir ay sonra ailəsinə təhvil verilib. 30 noyabrda igid kəşfiyyatçı əsgər torpağa tapşırılıb. Ölümündən sonra ölkə başçısı tərəfindən “Vətən uğrunda” və “Xocavəndin azad olunmasına görə” medalları ilə təltif olunub.
#TuralAslanov #ElçinƏliyev #MahmudMayıllı