Рет қаралды 11,006
Saiyed-us-Shohadaa Hazrat Imaam Husain (as) aur Shohadaa-e-Karbala (ra) ki shaan me Janaab Anwar Barodawi (Khalifa-e-Refai) ki likhi hui mashhoor-o-maqbool manqabat ko BAZM-E-REFAI (Khanqah-e-Refaia, Baroda) ki jaanib se Saiyed-us-Shohadaa Hazrat Imaam Husain (as) aur Shohadaa-e-Karbala (ra) ki baargaah me ba taur-e-nazraana-e-aqidat pesh karne ki sa’aadat haasil ki jaa rahi hai.
Allah (swt) Huzoor (saw) ke sadqe me jumla aqeedatmandon ko Ahl-e-Bayt-e-Athaar ki mohabbat ataa farmaaye aur dono jahaan me unke fuyuz-o-barakaat se mustafeez farmaaye. AAMEEN.
Lyrics:
Yeh kaisi hawaa Karbalaa me(n) chali hai,
Aseer-e-balaa khaandaan-e-Nabi hai.
Bahaar-e-Muhammad hai Baagh-e-Ali hai,
Jo hai phool Akbar to Asghar kali hai.
Andhero(n) se hum ko bachaati rahi hai,
Yehi Ibn-e-Haider ki woh roshni hai.
(Hamid "Sadaf")
Sitam ki koi hadh bhi hai ae laeeno(n),
Tumhe(n) Aal-e-Ahmed se kya dushmani hai.
Woh dekho udhar se idhar aa gayaa Hur,
Abhi dozakhi thaa abhi jannati hai.
Musalmaan bantaa hai qurbaanio(n) se,
Hamaare liye Karbalaa zindagi hai.
Adaa ho raha hai tah-e-tegh sajdaa,
Shahaadat khadi unkaa muh tak rahi hai.
Shahido(n) ki ulfat me hum ne ye jaanaa,
Jise maut samjhe wohi zindagi hai.
(Hamid "Sadaf")
Yeh haq kaa diyaa aaj bhi jal raha hai,
Sitam ki hawaa tez kitni chali hai.
(Hamid "Sadaf")
Farozaa(n) usi se hai bazm-e-do aalam,
Woh ek shamma jo Karbalaa me(n) jali hai.
Khudaa khud kharidaar hai iska 'Anwar',
Yeh khoon-e-shahidaa(n) badaa keemti hai.