Odatda yurtimiz meva hamda sabzavotlari haqida gap ketganda, uni ming bir soʼz bilan taʼriflaymiz. Biroq, Mevalar eksporti haqida gap ketganda, bogʼ barpo etishdan boshlab toki u hosilga kirgungacha ketgan vaqtda isteʼmolchilarning ehtiyoji va talabi qanday oʼzgarishini oldindan koʼra bilish lozim. Аyni jihatlarni inobatga olgan Toshkent Irrigatsiya va qishloq xo‘jaligini mexanizatsiyalash muhandislari instituti milliy tadqiqot universiteti rahbariyati Yevropalik mutaxassislar koʼmagida talabalar uchun doimiy ravishda ochiq darslar tashkil etib kelmoqda. Qishloq xo‘jalik mahsulotlarini saqlash va dastlabki ishlash texnologiyasi (meva-sabzavotlar bo‘yicha) ta’lim yo‘nalishi 3-kurs talabalari uchun Fransiyaning “SOFRECO” konsalting kompaniyasining ekpertlari ishtirokida seminar trening tashkil etildi. Mazkur xorijiy tashkilot bugungi kunda Yevropa Ittifoqining “O‘zbekiston Respublikasida meva-sabzavotchilik texnologiyalari bo‘yicha texnik ko‘mak” loyihasini amalga oshirmoqda. Loyihaning xalqaro konsultanti Rudjero Malossi “Sabzavotlar va ko‘katlarni innovatsion usulda qayta ishlash texnologiyalarida ichimlik suvining ahamiyati va Yevropa Ittifoqining standart talablari” mavzusi taqdimot qilgan bo’lsa mahalliy konsultant Aktam Azizov “Anor mevasini sifat ko‘rsatkichlari va ularni saqlash texnologiyalari” ma’vzusida ma’ruza qildi.