Рет қаралды 3,035
Шымкентте бір топ экс-полицей прокуратура алдында наразылық білдірді. Олардың барлығы командирге пара берді деген айыппен жұмыстан босатылған. Алайда құзырлы органның шешімі әділетсіз болды дейді азаматар. Айтуларынша, күдікке ілінгендердің көбі таныс-тамырдың арқасында жауаптан сытылып шыққан.
Шымкент прокуратурасының алдына бір топ экс-полицей жиналды. Олар былтыр пара берді деген күдікпен жұмыстан босатылған еді. Бірақ бұрынғы тәртіп сақшылары "бізді қызметтен заңсыз босатты" деп отыр. Айтуларынша, командирге ақшаны өлім-жітім мен жетімдерге көмек үшін жинап берген.
ОРАЗӘЛІ ҚАЛТАЕВ, экс-полицей:
- Біз өзіміз ол кісіні іштей ақша жинап сол кісіге беріп, өлім-жітімге бүгін болса менде ақша, ертең онда болмайды. Сол үшін ақша жинау мәселесіне сол кісіні сайлаған болатын. Мен ол кісіге екі-ақ рет бергем 5 мың теңгеден 10 мың теңге. Серік дегеннің әкесі қайтыс болды соған бергенмін. Одан бөлек Сайрамдағы балалар үйіне ақша жинағанбыз оған бергенмін. Әлімханов Қайрат дегеннің баласы қайтыс болған. Оған ақша жинаған үлкен сома. Ротаның балалары жинады.
Әділдік іздеп жүрген жігіттер өздерімен қатар тағы 40-тан аса қызметкердің күдікке ілінгенін жеткізді. Алайда тергеу қорытындысында аталған полицейлердің көбі қызметінде қалғаны шағымданушылардың көңілдеріне күдік ұялатқан. Ал, прокурорлар жемқорлық ісінде экс-полицейлердің кінәсі толық дәлелденіп, заң аясында шешім шықты деп отыр.
АДАЙ ҚҰТЫМОВ, Шымкент қалалық прокуратурасы басқарма басшысының орынбасары:
- Әр кезекшілікке түскенде 5 мыңнан жинаған. Әр демалысқа шыққан кезде демалысқа шыққаны үшін 2 мың теңгеден жинап отырған ғой. Рота командирлері. Айына командирскийге 10 мың өткізуге міндеттеп өткізген. Ондай ешқандай туысқандар, соттың туысқандары, прокурордың туысқандары, тергеушінің туысқандары деген жоқ. 5 млн теңге деген шындыққа жанаспайды. Өйткені ондаймен тексеру де жүргізілген. Ондай шындыққа жанаспады. Ол айтылған жай сөздер.
Айта кетейік, шымкенттік полицейлерге тексеріс 2022 жылдың маусымында басталған. Нәтижесінде 95 адам тексеріліп, 44-і жұмыстан босатылған. Ал, олардан ұдайы пара алып отырды деген екі командир 7 жылға сотталды. 5 сыбайласы да айыппұл арқалап қызметінен кетті.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал