Шымкентте мемлекеттік бағдарламамен үй алған тұрғындар су астында қалды. Қалада "Нұрлы жер" бағдарламасымен салынған пәтерлер екі күннен бері толассыз жауған жауынға шыдамай, көлкіген суға толған. Соның салдарынан дүние-мүлкіміз бүлінді деген жұрт, бұл үйге қоныстанғандарына бір жыл да толмағанын айтады. Алғашқы жаңбырға шыдамаған баспанамыз ертең опырылып ортасына түсе ме деп алаңдаған тұрғындар, сапасыз құрылысқа әкімдікті кінәлап отыр.
"Нұрлы жер" бағдарламасымен үй алған шымкенттіктер нөсер жауыннан кейін әлі естерін жия алмай жүр. Екі күн қатарынан жауған жаңбыр суы Тұран-2 шағын ауданындағы жаңа баспананың есік-терезесі мен төбесінен тоқтаусыз ағып, халықты әуреге салған. Тіпті аз уақыт ішінде тұрғындардың дүние-мүлкі көлкіген суда қалған. Ал ең сорақысы, жұрт бұл үйге көшіп келгенімізге жарты жыл да болмады деп ашынып отыр.
АБЗАЛ ӘЛІБЕКОВ, Шымкент қаласының тұрғыны:
- Төбедегі крыша вообще дұрыс істемеген. Жел тұрғанда салдырлайды кәдімгідей. Дауыс шығады. Крыша дұрыс бекітілмеген. Қалай болса солай салған. Жамап-жамап салғырт істеген.
НАЗЕРКЕ ҮКІБАСОВА, тілші:
- Нөсер жауын суы мемлекеттік бағдарламамен берілген үйдің барлық қабатына кірген. Себебі, шатырдан бөлек есік-терезе де сапасыз салынған дейді тұрғындар. Кесірінен жауын суы жертөлеге жиналып, үйдің іргетасы да бүліне бастапты. Бірақ, мұны елеп жатқан бір басшы жоқ дейді жиналғандар.
ГҮЛНАР ҮСЕМБАЕВА, Шымкент қаласының тұрғыны:
- Жаздың соңғы жаңбырына бұлай дес бермей жатыр. Бізде алдымызда әлі қаншама жауын-шашын күтіп тұр да. Білмеймін ертең. Ол жауын-шашынға бұл үй қалай дес береді. Мен өзім 8 жылға алғам, ипотека. Бұл 8 жыл түгілі 1 жылға шыдамай жатыр ғой.
Жауаптылар болса жағдайды түзетеміз деп отыр.
ЕРДӘУЛЕТ ӘЖІБАЕВ, Шымкент қаласы құрылыс басқармасы басшысының орынбасары:
- Мердігер тарапынан жұмысшылар келіп жөндеу жұмыстарын жүргізіп жатыр. Негізгі себеп воронка мен суағардың құбырының түйіскен жерінен су аққан. Оның себебі воронка бітеліп, су көп жиналған балконнан 7-8 қабаттан су өткенін көрдік. Оны фиксировать еттік. Ол бойынша мердігерге айттық. Терезені орнатқан кісілер келіп, оны да ретке келтіреміз.
Мемлекеттік бағдарламамен үй алу үшін әрісі 10 жыл кезекте тұрған тұрандықтар енді Шымкенттегі Құрылыс басқармасын сотқа бермек. Себебі, кепілдігі 5 жылға ғана берілген үйдің оған дейін аман-есен тұратынына сенбейді.
.
.
.
Информбюро - еліміздің басты жаңалықтары жаңа формат пен жаңа студияда! Ақпарат таратудың заманауи озық үлгілері. Елімізде және әлемде болып жатқан эксклюзивті, шұғыл, жылдам ақпараттар топтамасы. Жарқын, шынайы - сіз сүйетін бағдарлама!
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал