Рет қаралды 135,530
Бәріңізге Ассалаумағалейкум!
Өткен жыл әншілер үшін, “өшкен жыл” болды. Пандемияның кесірінен, күніне бірқанша тойға барып, ақша тауып, тойып қайтатын әншілер, лотерия ойнатып, онысының соңы лохатрон болып, масқаралары шықты. Абай атамыз айтқан, «шырылдауық шегірткелерге» айналып шыға келді.
Бұрын әлемде бір ғана жұлдыз бар десе, ол - Майкл жексон дейтін. Қазір, Димаш Құдайберген, нағыз жарық жұлдызға айналды. Өткен жыл, Димаш үшін «өскен жылға» айналды. Көптеген елдерде концерт берді. Жер бетінің халқы, Димашты тани бастады. Димаш брендке айналды.
Бүгін бізде, 21 қаңтар айының жұлдызы. Ал жердің арғы бетіндегі АҚШ та, бізден жарты күн, яғни 12 сағат кейін болғандықтан, оларда кеше президентті Ұлықтау рәсімі өтті. Осы рәсімге, Қазақ елінен, әнші Димаш шақырылған. Шақырылып қана қоймай, осы инаугурацияны әнмен ашты. Бұл қазақ баласы үшін, бұрын - соңды болмаған үлкен мәртебе болса. Димаш үшін, әлемді мойындатудың тағы бір үлкен мүмкіндігі болды.
АҚШ-та инаугурацияға дайындықты, өте жақсы жасады. Инаугурация өте қарапайым өтті. Негізінен жоспар бойынша, « ант беру» жақсы ұйымдастырылды. Ал, одан басқа шаралардың бәріне де, шектеу қойылды. Оған себеп - біріншіден «пандемия» болса; екіншіден «қауіпсіздік мәселесі» алдыңғы орынға шығып отыр.
Осыған байланысты, кейбір жоспардағы, алдын - ала ұйымдастырылған шаралар алынып тасталынды. Дегенмен де инаугурацияға байланысты ұйымдастырылатын концерттің беташары, Димаштың әнімен ашылатындығы кейінге қалдырылмады және алынып та тасталмады.
Ұлықтау рәсімінен бұрын, Байден Ұлттық гвардия жауынгерлерімен кездесіп сөйлесті. Оларға қоғамдық тәртіпті қорғаудағы жұмыстарына табыс тіледі. Олардың жалпы саны 25 мыңға дейін көбейтілді. Бұрын-соңды билікті беруде, мұндай жағдай кездеспегенін барлық БАҚ жазуда, бұл азулы АҚШ үшін, әбден ұят іске айналды.
Әлгі тарпаң мінезді Трамп мырза, өзін армиялық оркестрмен, салютпен шығарып салуды сұрап, армия штабына қолқа салғанымен, олардан үзілді-кесілді отказ берілді. «Бұрын-соңды мұндай іспен айналысу, армия салтында болған емес», деген жауап берілді. Дегенмен ол, сол қаңтардың 20шы күні түске дейін, Ақ Үйді тастап, Флорида штатындағы ранчосына кетті. Өзінің жарлығы бойынша, оны жақтастары «қызыл кілем» төсеп арнайы президент ұшағына шейін, шығарып салды. Өйткені оның, сағат 12-00-ден кейін, президеттік өкілеттігі аяқталып, «қатардағы қарапайым пендеге» айналды. Сондықтан 12-00-ден кейін, ұшақты «заңды йесіне» кейін қайтаруы тиіс.
"Мен президенттіктен кеткенмен де бәрібір, АҚШ әскерилерін елге қайтарумен айналыса беретін боламын" - деп, мәлімдеді Трамп. Трамптың сөзін біздегі саясаткерлер, «ұнысы енді, мен бәрібір саясаттан кетпеймін. Путинге көмектесе беремін деген сөзі. Бірақ, оған қолы жетпейтінін, өзі де біліп отыр. Оның сөзін ешкім де, оның ішінде әскерилер де, бір жеріне қыстыра қоймас. Енді Трамп ештеңе шешпейді» деп, бағалады.
Трамптың түбіне, анау коронавирус деп аталатын, «қытай вирусы» жетті. Трамп мырза, қытайдағы 200 мыңнан астам АҚШ-тың заводын көшіруге бұйрық берген. Егер, Қытайдан көшпесе, «көшпеген заводтардың өнімдерін», АҚШ-қа кіргізбеу туралыда бұйрық шығарды. Осылай ету арқылы, Трамп мырза, АҚШ-тағы жұмыссыздықты ең төменгі шекке дейін түсірді. Қаншама кәсіпорындар ашты. Бірақ, қытай вирусы АҚШ-тың да, экономикасын езіп жіберді. Жұмыссыздар көбейіп, істеп тұрған кәсіпорындар тоқтап қалды да, Трамптың ел алдындағы беделі түсіп кетті.
Трамптың бұйрығының арқасында, АҚШ-тың көптеген заводтары, Қытайдан көшіп, АҚШ, Индия, Таиланд, Бразилия, Филлиппин, Тайвань және Мексика сияқты елдерге барып жайғасты.
АҚШ-тан кейін, Жапонияда, Қытайда орналасқан заводтарын көшірді. Көшуге кететін шығынды, Жапон үкіметі көтерді. Біздің атқа мінерлер, шетелге көшіп жатқан, осы заводтардан бірнешеуін, Елімізге көшіре алмағаны өкінішті. АҚШ-тың заводтары келсе, қаншама адам жұмыспен қамтамасыз етіліп, үкімет, «біздегі жұмыссыздықты, завод ашып шешсе» болатын еді ғой. Үкіметтің жасаған заводтарының біреуде жұмыс істемеді. Қаңырап бос тұр.
Трамп мырза, билікте қалуға қанша тырысқанымен, заңнан аса алмады. Бірақ, қытайға қатысты көптеген қатаң шаралар қабылдап кетті. Мысалы, АҚШ-тағы Нью Йорк қор биржасындағы, қытайдың компанияларын қуды. Шығыс Түркістанға қатысты да арнайы заң қабылдап кетті.
АҚШ-тың мемлекеттік хатшысы Помпое, өзінің әлеуметтік желісінде кеше былай деп жазды: «қытай, Шығыс түркістан правинциясында, ұйғырлар мен өзгеде мұсылман топтарға геноцияд жасады. Миллионнан астам бейбіт тұрғынның бостандығын шектеу, түрмелерге қамау, күштеп стерилизация жасау, азаптау, жұмысқа салу, дінни көзқарасы мен пікір айту құқын шектеу, бұлар - адамзатқа қарсы қылмыстар, болып табылады».
Помпоеның оның орнына келген, Байден тағайындаған жаңа мемлекеттік хатшы - Блинкен, «Помпоеның Шығыс Түркістандағы мұсылмандарға жасалған геноцид туралы пікірімен келісітінін және Трамптың қытайға қатысты ұстанған қатаң саясаты дүрыс» деп, бағалады. Толығырақ Видеода...