Yuxusuzluq problemini necə həll etmək olar? Yəqin ki, gün ərzində, hər biriniz, bir neçə elektron cihazlardan istifadə edirsiniz. Məsələn, dostlarınızla mesajlaşdığınız telefonu, yazılarınızı yazdığınız və işlərinizi həll etdiyiniz kompüterləri düşünün. Aydın məsələdir ki, bir müddət işlətdikdən sonra, bir çox elektron cihazlar kimi, telefonların və kompüterlərin də enerjiləri tükənir və buna görə də növbəti dəfə istifadə edə bilmək üçün, elektron cihazlar, kifayət qədər enerji ilə təmin olunmalıdırlar. İndi isə, insanlar haqqında fikirləşin. Bəs insanların daim gümrah ola bilməsi üçün önəmli olan faktorlar və ehtiyaclar nələrdir? Kifayət qədər gümrah və aktiv olmaq üçün, insanlara lazım olan enerji mənbələri isə gündəlik yediyimiz yeməklər , içdiyimiz su olduğu kimi, eyni zamanda da yuxudur. Siz, heç yuxunun necə nizamlandığını, niyə məhz, adətən, gecələr yatıb, səhərlər oyandığımız haqqında düşünmüsünüz? Qeyd etmək istərdim ki, yuxumuzun, əksərən gecələr artması və səhərlər azalması, əslində, bizdən aslı olmayan bir haldır. Belə ki, bir insanın yuxusunun gəlməsinə, həmçinin, səhərlər yuxunun tədricən azalmasına və oyanmamıza səbəb, insan beynində yerləşən, Melatonin adlı hormondur. Daha loru dillə desək, Melatonin hormonu bədənimizdə bir növ saat rolunu oynayır və bizim yuxu qrafikimizə təsir edir. Beləliklə, axşamlar, xüsusən də, qaranlıq olanda, insan bədənində olan Melatonin hormonu yüksəlir və bu da, daha çox yuxu gəlməsinə səbəb olur. Digər tərəfdən isə səhər tezdən, yəni, günəş çıxan saatlarda, bədənimizdəki Melatonin hormonu getdikcə azalmağa başlayır və bu, bizim yuxudan oyanmağımıza səbəb olur. Amerika Birləşmiş Ştatlarında aparılan araşdırmalar göstərir ki, gündəlik aktiv olmaq, ən əsası da, sağlam bir ömür sürmək üçün, hər bir insan, gün ərzində 7 və 9 saat arası yuxu yatmalıdır. Ancaq, daha öncə də qeyd etdiyim kimi, yuxu saatlarımızı müəyyən etmək, hər zaman bizdən aslı olmur. Bəs gün ərzində normal yuxu yata bilməyən insanların sağlığında hansı problemlər ola bilər? Bu kimi hallara nələr səbəb olur və yuxusuzluq probleminin qarşısını almaq üçün nələr etmək lazımdır? Gəlin bütün bu sualların cavablarına birlikdə baxaq.
--------------------------------------------------------------------------------------------------------------------------------------------------------------
Animasiyanın hazırlanmasında istifadə etdiyimiz proqram: tidd.ly/2PdkVCV​​​​​​​​​
Əlaqə: / businestalks...​
Animasiyanı Animators şirkəti təqdim edir.
---------------------------------------------------------------------------------------------------------------------------------------------------------------
Kontent Müəllifi: Gülər Hüseynova
Səsləndirmə müəllifi : Tural Vəliyev
Animasiya müəllifi : Nərmin Əliyeva
Layihə Meneceri : Kamran Tağıyev