"Kaspi" liseylərinin şagirdlərinin iştirakı və "Kaspi" Təhsil Şirkətinin təşkilatçılığı ilə "Zəfərə doğru" adlı tədbir keçirilib. Şagirdlər Aprel döyüşlərində Ordumuzun qazandığı zəfərlər və tarix boyu Azərbaycan xalqının başına gətirilən zülmlər barədə biri-birindən maraqlı səhnəciklər hazırlayıb və musiqi nömrələrilə çıxış ediblər. Tədbirdə Aprel döyüşlərinin qaziləri və şəhid ailələri də iştirak edib.
Açılışı şəhidlərin xatirəsinin bir dəqiqəlik sükutla yad edilməsi ilə başlayan tədbirdə müəllim-şagird kollektivi ilə yanaşı, dövlət rəsmiləri, millət vəkilləri, media mənsubları və şəhid ailələri iştirak edib.
Eyni zamanda, tədbirdə ulu öndər Heydər Əliyevin, Prezident İlham Əliyevin, Birinci vitse-prezident Mehriban Əliyevanın Aprel döyüşləri və xalqımızın vətənpərvərlik ruhunun və əzminin daim digər dövlətlərə nümunəvi xarakter daşıması haqqında çıxışlarından ibarət video-çarx da təqdim edilib.
Şagirdlər peşəkarlıqla "Bölgələr", "Ana, mən şəhid oldum", "Dədə Qorqud", "Azərbaycan" və s. kimi kompozisiyalar nümayiş etdirib. Daha sonra böyük ölçülü, 3 rəngli Azərbaycan bayrağı izləyicilərin başı üzərindən səhnəyə gətirilib. Aprel döyüşlərinin qaziləri və şəhid ailələri də səhnəyə dəvət edilərək onlara xalqımızın adından bir daha təşəkkür edilib.
Tədbir çərçivəsində, eyni zamanda liseyin şagirdlərinin qəhrəmanlıqdan bəhs edən rəsm əsərləri də nümayiş etdirilib.
Kaspi Təhsil Mərkəzi
Tel: 055 515 78 78; *78 78