Рет қаралды 100,082
Fevralın 6-da Türkiyədə minlərlə insanın dağıntılar altında qalmasına səbəb olan zəlzələ gözləri Bakıdakı binalara çevirdi. Addımbaşı tikilən göydələnlər, istismar müddəti bitmiş binalarda yaşamaq nə qədər təhlükəsizdir?
Əmlak məsələləri üzrə ekspert Elnur Fərzəliyev deyir ki, ilk baxışdan binaların davamlılığını müəyyən edə bilməyən sakinlərin burada ekspertiza aparmaq səlahiyyətləri də yoxdur. Burada iş dövlət qurumlarının üzərinə düşür.
Bakıda sonuncu güclü zəlzələ 2000-ci ildə baş verib. Yeni tikililərdən mənzil almağa çalışan sakinlərin prioriteti büdcələrinə uyğun evə sahib olmaqdı. Zəlzələ ehtimalı heç yoxmuş kimi...
Ekspert Elnur Fərzəliyev hesab edir ki, bina tikintisində əsas problem binaların bir-birilə sıx inşa edilməsi, açıq ərazilərə yer buraxılmamasıdır.
AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli mətbuata açıqlamasında bildirib ki, 2019-cu ildən sonra binaların tikintisində onların rəyi alınmır. Halbuki, müraciətlər olanda mərkəz tikiləcək binaların yerinin seysmoloji balını müəyyən edib, rəy verirdi.
Fövqəladə Hallar Nazirliyinin Tikintidə Təhlükəsizliyə Nəzarət dövlət agentliyi bildirib ki, bu rəyi qurumun tabeliyindəki geoloji mərkəz verir. Həmin rəy əsasında layihəçilər binanın konstruksiyasını hesablayırlar. Layihə hazır olduqdan sonra bütövlükdə geoloji hesabat da daxil olmaqla Dövlət Baş Ekspertiza idarəsində ekspertizadan keçirilir.