Рет қаралды 28
Иван Шухов атындағы қалалық орталық кітапханада жерлес ақын Зейнолла Әкімжановтың 70 жылдығына арналған еске алу кеші өтті. Іс-шараға қаламгердің туған-туысқандары, замандастарымен колледж және университет студенттері қатысты. Кеште ақынның шығармашылығы сөз етіліп, отты жырлары оқылды.
Зейнолла Әкімжанов Солтүстік Қазақстан облысы, Жамбыл ауданы, Амангелді ауылында 1951 жылдың 1 шілдесінде дүниеге келген. Ақынның «Анамның арашасы» , «Сегіз сері», қара сөзбен жазылған «Шебер» поэмасы халық жүрегінен орын тапты. Мұнымен қоса қаламгер ақиық ақын Мағжан Жұмабаевқа арнап өлеңдер жазды. Бұдан бөлек республикалық айтыстарға қатысып, жүлделі орындарға ие болды. Қалалық орталық кітапханада бас қосқан зиялы қауым өкілдері жерлесіміз туралы өздерінің естеліктерімен бөлісті.
АРЫСТАН ӘКІМЖАНОВ, З.ӘКІМЖАНОВТЫҢ ІНІСІ:
Ол кісі енді батыл болатын, өте дарынды болатын. Оның айтқанының бәрін тындайтынбыз. Менен 7 жасқа үлкен болды. Міңезі тентек болды. Айтқанынан қайтпайтын.Алдына қойған масқаттарына жете білетін.
Оқырманға Журналист ретінде жақсы таныс Зейнолла Әкімжанов бірнеше жыл облыстық «Солтүстік Қазақстан» газетінің мәдениет бөлімін басқарды. 1993 жылы «Жерұйық», 2001 жылы «Мизамшуақ» атты жыр жинақтары жарық көрді. Мұнымен қоса, ол шетелдік ақын-жазушылардың көптеген туындыларын аударып, қазақшалаған. Іс-шарада ақынның жұртшылыққа танылып үлгермеген «Нұрлы шуақ» кітабы туралы сөз етілді.
САМРАТ ҚҰСКЕНОВ, ЖАС АҚЫН:
Ұлы отан соғысының ардагері, елге сыйлы азамат туралы Мұқаш Қоспанов туралы жазылған. Алматы қаласында 150 данамен шығарылған. Бірақ ешкім білмеген. Тек Қоспановтар әулеті ғана білген. Әлеуметтік желіге шығарамыз, және екінші шығармалар жинағын шығарайын деп жатырмыз, соған енетін болады.
Шара барысында қаламгердің жырлары мен шығармалары талданып, ақынмен таныс болған жерлестеріміз өз естеліктерімен бөлісті.
Майгүл Сейілбек