Daha bir dahi bəstəkar Üzeyir Hacıbəyov (öz ifasında pianoda “Cəngi” əsəri) videosu bərpa etməyə cəhd göstərdim. Bu dəfə məqsəd klassik bərpa proqramları olan Diamant, Phoenix, Film9, MTI, FS Clean və s. Kimilərdən deyil, sırf süni intellekt əsaslı bərpa idi. Lakin video bərpasında əsas məsələ daxil olan materialın yüksək keyfiyyətli, lentdən köçürülmüş olmasıdır. Əks halda H264 format və kiçik ölçüdə çox detallar itir ki, bu da növbəti problemlərə gətirir. Problemlər və həlli - DeNoise (küy - kiçik nöqtələr), DeFlicker (əsmə - rəng, işıq, sürət əsməsi), DeScrath (cızıqlar və ləkələr - ən problemli məsələərdən biri cızıqların aradan qaldırılmasıdır. Xüsusilə də söhbət vertikal qara xətlərdən gedirsə).
Qeyd etdiyim kimi video ölçüsünün kiçik olması bəzi istənilməyən problemlərə yol açır - DeNoise (küyün aradan qaldırılması) zamanı müəyyən xıda detallar da itir. DeFlicker zamanı isə işıq əsməsini balanslaşdırmaq üçün kontrast problemi yaranır. Məsələn, ağ işıqlı zona bir az daha da işıqlana bilir. Həmçinin ləkələrin aradan qaldırılmasında da xırda detalların itkisi baş verir. Videonun keyfyyətli olacağı təqdirdə bu problemlərin daha az olacağına əminəm.
Vertikal qara xətlər, müəyyən qədər əsmə, ləkələrin böyük qısminin təmizlənməsi və küyün aradan qaldırılması, həmçinin stabilizasiyanı bir alətlə yerinə yetirmişəm. Əlavə olaraq Photoshop və DaVinci Resolve köməyimə çatıb. Ən əsası yuxarıda sadaladığım klassik bərpa proqramlarından fərqli olaraq istifadə etdiyim alət tamamilə pulsuz və çox bəsit interfeysə malikdir. Bərpa üçün nəzərdə tutulmasa da mən onun buna necə tətbiq oluna biləcəyini aydınlaşdırmışam.
Gələcəkdə bunun video dərsini də çalışacağam hazırlayım.