好簡單姐，所以豬文享受食野個位唔剩係個食物，而係個整個過程。豬文嘅食雞翼係要埋lun骨個個過程/體驗，而唔係只係食雞翼塊皮同肉。 同樣道理，打邊爐如果有人已經煮好曬d 肥牛魚蛋牛丸響鈴，你同樣係食緊打邊爐個d野，但你完全冇烚吓烚吓嘅過程，你覺得係唔係打緊邊爐？

我覺得豬文追求嘅，係食雞翼損埋啲骨先係一個完整嘅「雞翼體驗」，就好似拆禮物係成個體驗之一，冇咗禮物盒或者花紙就好似硬係差啲野咁，同樣地可以Apply落其他食物到。

西多士之爭後，另一重大顛峰之辯

💪我支持Lun 骨🦴食嘢好味啲㗎！ 我覺得呢個係原始獸性、肉食性動物嘅記憶同感覺，其實好多老人家冇哂牙或者退化到吞食有困難時，要整理哂啲代餐（攪爛晒一pat pat但保留原有味道）， 老人家會話你知佢哋會幾想有得lun 骨、「齒」食物嘅感覺；又或者簡單比較吓啲baby food 嘅蘋果蓉同自己咬一個蘋果🍎嘅感覺，所以點解豬文會話食雞翼有骨好味過冇骨。 記得好耐以前去英國讀書，餐餐食埋啲肉醬、薯蓉同薯條，豬、牛、羊就只有fillet 或者一條大骨嘅ribs，魚就只有魚柳、魚手指，唯一有得lun 骨就只有食鷄翼咋！聽講啲外國人好憎lun 骨（因為個口懶得郁咁多），亦都怕有危險（驚哽親人、又怕俾人告），所以食店最多提供就係冇骨嘅食物，就算啲雞翼、bbq back ribs 都煮到好淋咁，一吉就「骨肉分離」，完全冇機會lun 骨㗎！我嗰時先知道自己原來咁鍾意lun 骨，會覺得「牙痕痕」想食「有骨落地」嘅食物。

屯門刺客嘅攻擊好好笑😂😂😂

好青年荼毒室-食物部🤣

其實有啲食物喺要有骨先好食，例如T骨扒、羊架、雞髀、排骨、甚至喺白切雞，好多食物其實都可以冇骨，但的確有不少食物要有骨才有風味！

狗首領臨尾嘅總結好犀利，連噒骨嘅感受都可以咁有系統咁歸納出嚟，拜服！

豬文, 今鋪我就撐你啦! 好認同 你話獨特性個point, 如果去骨, 根本 所有以都係 雞肉雞肉同雞肉 每種部位都有佢特性 同食的方法

TDS 真正將哲學普及化， respect . 依加相信大家都知道日常所有嘢都係哲學

我明豬文！真係明！啖啖肉雞翼唔係雞翼，一啖食哂唔珍貴呀，食雞翼就係要係啲骨嘅夾縫中啜埋啲肉出嚟，排骨咬埋嗰層連住骨嘅衣，仲有雞翼骨同埋雞腳啲軟骨位… 嗰種成功感..係對雞翼同雞腳的真愛😌

食雞要食軟骨，而且如果咬爛嗰骨，骨入面嘅嘢有味。如果煎蝦煎到啲殼軟晒，我會連殻吃㗎喎

笑到我 好耐冇咁開懷大笑🤣🤣 呢班友痴線架🤣🤣今次我撐豬文 我都唔鍾意起咗骨的肉類架

三個人反應勁同步，一齊停一齊笑

豬識講：「比狗食㗎依啲」笑到我😂😂😂 講真 味道冇分別一定揀無骨 開心好多喎

真正鐘意食雞翼嘅人，一定鍾意有骨雞翼多啲，𡁻邊位嗰啲軟骨，再咬碎一粗一幼兩條骨啜埋骨髓，勁撚爽

本身都好想撐,但食海南雞居然寧願有骨,真心少癲

我覺得有骨好影響食飯個節奏，成日阻住我咁。想完全放鬆咁食都唔得，係要搞到咁辛苦先食到。

Lun骨黨萬歲！最鍾意食魚頭雞翼同雞腳！食切雞飯一定會叫雞背飯！

學我阿婆講：冇骨嘅係懵肉 方便還方便，滋味真係唔同

支持Lun 骨, 會食軟骨, 有時會咬碎埋, 食得好乾淨

同意豬文，有D特定食物佢就係要Lun骨先爽，無骨係可以有時爽住啖啖肉，但有骨真係品味

我好認同呀，雞翼梗係要有骨

食海南雞比碎骨戒到個種經歷唔需要再體驗多次

豬文,呢次我撐你,食雞翼,雞腳一定要LUN骨,精華所在

豬首領，我撐你！ 我都係要食骨嘅人，以前食烤全雞，係會食個幾鐘，連啲細骨都磷埋。其實魚中間嗰條最粗嘅骨都好食㗎，建議試下！ 啲嘢食連軟骨/筋膜，個味真係完全唔同，同去咗骨嘅根本係兩回事。 我從來冇諗過點解自己鍾意食，我媽都話我係狗😅。 聽完你咁講，我都唔肯定係咪同你一樣，但你要記得遠方總有人同你一齊磷骨🫂！

得罪講句 其他人根本唔撚識食,去骨鳳爪無骨雞翼根本係壞文明, 食肉本身就係要享受個種直接係骨頭上撕咬啲肉過嚟嘅感覺,乜都去骨不如打散埋去食糊仔啦 豬首領就體會到個種原始狩獵嘅感覺,直接拎起啱啱捕獵嘅獵物就直接咬落去,啲肉同血一次過飛曬出嚟嘅感覺就係同菜最唔同嘅地方 用海鮮做比喻根本錯撚曬,蝦蟹係先殼再肉,你入到去肉位已經無必要再掂翻啲殼 但係肉類係先肉後骨,本身就係一層一層咁樣食入去,你一開始抽走啲骨,就係破壞咗食嘅呢個過程,本末倒置

肉汁鎖曬喺骨入面喎，冇骨點好食㗎！飲湯都要啜豬骨啦！

好好笑……好耐冇笑得咁開心！支持豬文……雞翼要有骨……哈哈哈……

嗱今鋪我就撐文仔~ 有骨雞翼雞髀真心好食好多, 起左骨根本鎖唔住d肉汁

今次我支持豬文 雞翼雞髀真係有骨好食啲 其他就唔係🤣

我明,其實雞翼同雞俾舊骨係有香味 有味道架. 不過我唔係指成條骨全部部分,係條骨既最頭同最尾都有一舊灰灰地色咁既波子骨,我食雞翼同雞俾係會咬埋佢食落肚. 雞既其他骨都有香味,不過就淨咬爛而唔吞,但係有個問題就會係d雞骨會刮損左你嘴入面左右兩側同埋條脷都會損,有得簡都係無骨正d,有骨就香d.

狗首領好慘，比一堆唔lun骨嘅人用滑波欺凌 我自己係「支持所有野冇⻣但本著食得唔好嘥嘅精神會照lun骨」嘅派別 （有時見到啲人一大塊肉剩喺骨就丟 會覺得佢地好嘥野）

啜骨可以食埋食物嘅精華，正

根本除左豬文 幾個人d argument 都錯撚哂 連人地講乜都唔知 得豬文係認真討論🥲 咩食埋啲骨食埋粒核食撚埋塊糉葉🤡 將d本身有核或者有骨既野夾硬去左 果樣野已經唔同左 特別認同豬文講牛仔骨 去骨或者去核令到件食物根本無左個獨特性 簡單d講係唔撚識食。

我都係噒骨派🤣整係一舊肉根本冇咗食物原有嘅型態~追求啖啖肉，其實beyond meat都做到好似，而根本就唔肉

雞髀冇骨不如唔好食 雞髀要食埋軟骨架嘛

雞翼唔止要Lun骨 仲要食埋舊軟骨先係完整嘅過程!

真係撐豬文，其他人根本唔識食 唔知笑乜

好多Comment唔明個問題。🤣 佢地唔係講緊好唔好食，佢地係假設左個食物味道,口感果d全部一樣黎討論到底要唔要有舊骨係度。

lun骨呢個步驟 無疑係令我要花多左心力同時間去完成進食呢一個行為 但係lun骨會令呢一餐有個儀式感 因為花費時間終於食完呢一餐 相比起普通就咁食無骨既 會令到呢一餐更加有種自己係進食緊既感覺 啲婆仔死都要戴返副假牙去損啲魚 就係咁解 如果單純係要吸收營養 咁你點食無問題啦

撑豬文！！！蝦仁同白焯蝦邊樣矜貴？起晒骨係方便嘅爽，好似罐頭咁，但有骨係原汁原味嘅爽！豬文嘅解釋好出色！同埋連骨嘅肉總係嫩d好食d，去骨煮嘅肉縮埋一舊質感無咁好。

一定要lun骨 尤其係雞翼一定要有骨！

因為呢條片 必須follow

其實即係要乎合自己心目中對該事物既刻板印象，偏離呢個印象會引發討厭感及不安感。 例如我自己係無馬蹄既羊腩煲唔L係叫羊腩煲。 所以呢個刻板印象可以好個人。

今次撐民仔！有骨先係叫雞脾、雞翼、雞腳！

雞翼就真係要有骨先好食🤣

同意雞翼要有骨先好食，尤其係舊軟骨!! 撐你喎豬首領!!! 黎黎黎~ 5678

雞翼、豬扒仲有蒸魚都係要有骨先正

撐豬文，我係鐘意食連住骨嘅肉👍🏻👍🏻👍🏻

支持噒骨呀😂雞翼雞腳係有骨先真正嘅雞翼雞腳

如果咩都起骨去核，其實飲奶shake得啦，洗唔洗咁有要求去食野/進食，你地都係醫肚姐，要個飽肚感，吊雞味鹽水都可以

Same as 豬文！我愛骨！lamb ribs 仲 jeng

我覺得呢集呈現出好經典既一個社會現象：當人發現自己的意見有人數優勢的時候，就越黎越容易偏離議題而陷入對少數派的集中攻擊。其他三條友到後邊根本沒認真考慮帶骨同無骨的區別到底係邊，全力取笑豬文。特別係右邊兩個，勁講無聊野，大家笑左當贏。真係要講lun骨絕對有理由，因為越靠近骨頭的肌肉組織越有彈性，而就算完美脫骨，那層彈性纖維組織會變成一大塊肉的一小部分，從而削弱存在感。而先食肉再食骨就可以單獨享用那層組織，亦即係豬文講既雞翼同牛仔骨的例子。我地講既係lun骨唔係嚼骨，嚼就可以笑人似狗因為狗係啃噬整塊骨頭，魚蝦蟹果核更係風馬牛不相及，好low

堅鍾意Lun 骨

只接受到炸雞翼同雞髀有骨

有舊骨係多一個口感質感

我係連骨派，單純因為我真係會咬碎啲骨啜汁😂

呢次真係撐豬首領。

從味道上來講肉類有骨個部分真係比無骨嘅好食

好正

嗰日睇live 勁撚嬲，居然咁少人撐有骨，撐豬文！

今次撐豬文, 正如蒸排骨同蒸豬肉係兩樣原全唔同既野....

雞翼要有骨 冇骨雞翼啲質感同香味完全唔同喎 但係有骨同冇骨味道一樣嘅，支持冇骨

自己打獵-連骨吞-噒骨-淨肉-食軟餐-吊鹽水 拉闊個光譜嚟睇，噒骨同淨肉唔係差好遠姐

我明豬文😂平時食雞翼係會咬爆埋啲骨

味道一樣一定揀冇骨

撐文仔呀，但係龍眼我唔噒核😂 好似好唔一致 食雞翼要噒骨因為無咗骨呢個元素就同雞肉無分別，而文仔覺得雞翼同雞肉係有分別，咁樣同食飯定食穀係兩回事，因為雞翼有冇骨唔影響佢熟嘅程度，但係飯/穀就影響

如果唔係因為多人鍾意, 就唔會有單骨同無骨的出現~ 而市面上仲有咁多雙骨雞翼唔係多人支持 --- 而係拆骨係煩

支持lun骨👍🏻

撐豬文喎 d骨煮得入味可以咬碎埋d骨 食埋入面d骨髓

不如你哋開個page/channel 關於飲食哲學🤣，之前又有西多士，西瓜之爭😂

lun骨先至爽！我認為係因為心理作用，聽過有個實驗，人覺得悶嗰時，會寧願電自己多過乜到冇嘢做，同理，食嘢嗰時個嘴齋咬好repetitive，所以lun骨會加啲stimulation，多啲樂趣

豬文我撐你 當晚好慘 俾人圍住恥笑 我覺得你同白水比較貼近大家既諗法 鍾意冇骨不如去返飲奶/食麥皮

食物大比拼！

撐豬文，有骨同無骨兩件事

我是lun骨派,但我沒有特別要求乜嘢一定要有骨,乜嘢一定要冇骨,我猜是lun 骨的過程才是最enjoy,好像徹底完成一件事咁,我好鍾意lun 大魚,魭魚和紅三魚條骨,我會逐節逐節咬開,最後食埋旁邊連接骨那條白色的東西,這樣才算大功告成,食雞翼,雞肶就會咬咗骨的頭和尾,然後才啜啲汁🤣

今次撐豬首領

如果夠入味 食埋軟骨真係一種享受

認同豬文～

其實我 buy 豬文，吃雞翼 lun 骨係一個整體嘅體驗，唔 lun 骨就好似少咗啲嘢咁。

應否將有骨同無骨視為兩樣產品

以後叫狗文🤣

撐豬文

鍾意食無骨唯一原因係懶（利申我鍾意食無骨）

我係鐘意lun骨既人，但係我唔會抗拒你俾舊淨肉我。主要我係睇菜式既presentation，佢設計係有骨，我就會lun乾淨d骨；佢本身去埋骨，我亦都唔會討厭或者抗拒。 單純講雞翼，我會認為「雞翼」呢個詞本身就必然包含入面果兩條骨&兩頭既軟骨。你去左骨佢就唔係「雞翼」，而係「雞肉」或者「去骨雞翼」。同樣，「雞脾」就係有骨可以俾你揸住黎咬，如果去左骨，果件就係「雞扒」。所以我真係好同意豬文最尾個point，有骨lun你先可以感受到隻雞既唔同部位既分別，拆晒骨就只係剩返一堆雞肉，無左個獨等性。 ps. 牛仔骨果下沿住舊骨咬筋膜既感覺真係好撚正 今鋪撐爆豬文

Lun 骨先係精粹 🥰

撐lun骨

下一個大戰係咪食蝦食唔食埋殼😂

雞脾冇骨叫雞脾扒！ 但喺認真啲講： 有骨連住嘅肉喺好食啲！ 一早debone曬嘅肉喺冇咗骨帶嚟嘅flavor 我撐豬文

第一次覺得豬文真係痴撚線

豬文係咪鍾意用條俐做工藝呀？

骨只不過係令個樣野睇落多d豐滿d ! 所以去左骨先可以真正睇到你得到乜野 ! 所以骨存在係屬於視覺上詐騙 !

頂一路睇一路勁buy豬文😢

豬文一定好鍾意食雞軟骨

食雞鍾意食雞皮，係咪代表食榴槤要食埋殼？

搣殼好爽架喎

Lun骨係experience 泥

雞翼冇骨唔得囉~會冇汁同口感好似一pat 野~

洗唔洗咁有儀式感