直播靈接觸｜梁思浩接受食火添運儀式 觀眾大開眼界叫Encore
梁思浩 主持嘅節目《直播靈接觸》28號一集請嚟 鄧光華 師傅一齊探討「落降頭」嘅靈異事件，鄧師傅更即場作法，點起11枝蠟燭塞落思浩嘅口中進行「食火添運儀式」，幫思浩淨化衰氣，睇到觀眾目瞪口呆。
而思浩事後話見到咁大團火喺眼前，佢都大開眼界，仲話食火嘅感覺，好似有股暖流流入身，感覺相當特別。有網民更話希望村長可以Encore吞火呀。
呢晚 邵音音 同 丁羽 亦專登拉隊嚟撐場，思浩仲搞笑話音音姐後生時被好多人垂涎美色，所以佢好多奇情故事分享，於是音音姐一口答應思浩做嘉賓，加上音音姐同思浩相識多年，兩人當然係無所不談啦。
近日何生同新何太肉麻情緣成為社會熱話，坊間更曾經爆何太以迷魂湯攻勢冧得何生失魂落魄，鄧師傅同音音姐都對呢類事件有雷同見解，思浩仲爆音音姐應該被人落咗好多情降，而令唔少人鐘意佢呀。
#直播靈接觸 #梁思浩 #邵音音 #鄧光華 #丁羽 #食火添運儀式 #encore #何生 #新何太 #迷魂湯
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0