鍾楚紅杜琪峯現身追思會 李安發哥撰文悼念羅啟銳
香港著名導演羅啟銳，上月2日因突發性心臟病突然望世，同羅導相愛近40年嘅張婉婷，今日為摯愛喺循道衛理聯合教會國際禮拜堂，以基督教形式舉行追思會。據知張婉婷一早已抵達現場打點，而追思會佈置以簡潔為主，禮堂中央放有一張羅導笑容可掬嘅照片。
除咗 #古天樂 、#黎明 、 #吳彥祖、 #成龍 、#馮德倫 、#舒淇 、導演 #李安、#湯唯 等送上花圈悼念外，#鍾楚紅、#洪金寶、#杜琪峯、#張同祖、#關錦鵬、#田啟文及 #泰迪羅賓 都有到場送別好友。
大會派發嘅紀念場刊內，就有周潤發、鍾楚紅、洪金寶、任達華等曾經同羅導合作過嘅演員同電影人撰寫悼念文，當中張婉婷的撰文相當催淚：「在那個狂風暴雨的午後，你猝然走了‥大半生的相依，你就像陽光和清水，一切都那麼理所當然！浸有了陽光和清水，如何活下去啊？」文中張婉婷指自己嘅生命好似靜止咗咁，唔食唔飲一直呆坐，直到諗起擔心已經離開嘅摯愛會肚餓，先至去廚房煮晚餐，但煮完之後又係一輪呆坐。到突然張婉婷聽到電視播放羅啟銳嘅生平，張婉婷睇住個節目先食得落飯。文章尾段，張婉婷寫道：「從此，你在天上，我在人間，大家繼續好好的活下去‥Till we meet again‥」承諾摯愛會好好活下去。
曾經同羅導合作電影《秋天的童話》嘅鍾楚紅，到場時神情哀，未有接受現場傳媒訪問。而痛失好友嘅田啟文，接受訪問直言唔知對方身體抱恙：「佢自己都唔知，如果佢話知一定會去處理。」田啟文話直到羅導離世前，自己都一直同緊對方傾拍電影嘅事，佢又話對方最想做關於電影培育嘅工作，畀多啲創作空間新一代嘅電影人。問到田啟文有冇關注張婉婷嘅情緒？佢話知道對方好傷心，但同時亦覺得張婉婷處理得宜：「之前金像獎綵排有同佢講過兩句，佢處理得好好，應承咗嚟做頒獎嘉賓，佢都繼續出席。」
#羅啟銳 #張婉婷 #秋天的童話 #歲月神偷 #TVB #娛樂新聞 #TVB娛樂新聞台 #ENews #HK E News #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0