藝人張繼聰於無綫發展順利，並有份於台慶劇《誇世代》演出，但有指張繼聰因經理人公司老闆蕭定一與無綫，去年因佘詩曼（阿佘）演出之電影版《十月初五的月光》超時補水問題鬧官司，結果拖累張繼聰被封殺。對此，身在外地的蕭定一否認封殺之說，他謂：「其實只係想阿聰停一停唔拍劇住，先拍電影，係一個策略嚟嘅，可能因為咁而引起誤會。」
除了張繼聰外，有傳「封殺令」更將禍及同是蕭定一旗下的蔡瀚億（BabyJohn），蕭定一亦斷然否認：「呢兩日都收到佢哋搵BabyJohn拍劇，我覺得有人唔知聽到啲乜嘢喺度搞風搞雨。」