張敬軒完成隔離出關 未能親身領獎感可惜
早前因為被列為密切接觸者而未能現身《香港金曲頒獎典禮》嘅 #張敬軒 ，呢日出席隔離完成之後嘅首個公開活動，本來一早準備好特別嘅表演嘅軒仔，就對未能親身領獎覺得有啲可惜喇。
臨時要變陣改為喺屋企直播攞獎，雖然已經襯好衫出鏡，不過軒仔就話被媽咪嫌佢衣著打扮求其，仲打電話鬧咗佢一餐呀。
對於上月底紅館喺MIRROR演唱會期間發生嘅嚴重意外，軒仔事後極速安排當時在場嘅表演者同舞蹈員提供心理輔導，呢日佢就話其實係有專業人士希望協助，自己只係負責居中牽線，因為當中好一部份嘅舞蹈員，亦曾經為佢嘅個唱表演過。而對身受重傷嘅阿Mo已經甦醒，佢就話覺得非常鼓舞，又盛讚阿Mo演出專業。
紅館緊接就會由 林家謙 接手意外後首個演唱會，不過軒仔就認為事故對接續嘅表演一定會造成影響，又話業內一定會加強注意。但係同時覺得其他表演係獨立演出，如果太過多限制會導致表演失色呀。
#張敬軒 #MIRROR演唱會 #阿Mo #李啟言 #紅館
#TVB #娛樂新聞 #TVB娛樂新聞台 #ENews #HK E News #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0