Рет қаралды 81,140
#靚聲王 #張偉文 喺年初時因感染新冠肺炎而一度傳出命危,當時不少圈中人同歌迷都為佢送上祝福,經過兩個幾休養,張偉文經已出院兼且喺日前舉行出院後首個線上音樂會,做佢人生中最鍾意嘅事。
張偉文呢日着上閃令令嘅歌衫,狀態比之前出院時更精神,仲同有講大笑,但一提及住院期間得到好友支持時,佢就情緒激動數度落淚。
講到身體狀況,張偉文就覺得自己都康復得好好,仲可以練吓歌。至於開騷會否增添身體壓力?一直照顧佢嘅經理人 #方俊 就話張偉文實在太鍾意唱歌,不時都曲不離口,只要聽到佢哼歌就知佢精神好咗好多。
另外,早前有兩個實體騷因為疫情而取消,有好多歌迷都唔肯退票想繼續支持佢,偉文知道後都非常感動,而方俊都透露就快會開實體騷,相信大家都好期待靚聲王再踏舞台演出。
#靚聲王 #病癒後 #線上音樂會 #張偉文
即刻Follow TVB娛樂新聞台Facebook專頁
/ tvbenews
登入myTV SUPER享受睇TVB自製節目7日免費點播
bit.ly/2TXLlM0