注意你不覺察的自卑感，停止內耗
Рет қаралды 11,526
Күн бұрын各位，歡迎進入 Self Awareness 的世界。
－－－－－－－－－－－－－－－－－－－－－－
TimeStamp:
00:00 開始
00:58 個人經歷
03:48 反思
05:48 得著
07:29 ＊改變（必看）
09:29 完結
－－－－－－－－－－－－－－－－－－－－－－
Instagram: / andytsuii
Email: hkgfason@gmail.com
#selfawareness #selfimprovement
@pure7133 10 ай бұрын
係一個完全唔適合嘅職場真係會做到懷疑人生嘅。迷失自己都唔係咁得人驚喎！最得人驚嘅係當老細係咁講你唔得唔掂嘅時候，同自己講一定要捱埋落去而唔離開。離開需要勇氣，留低都需要好大嘅勇氣；但如果試吓已經有方向嘅，怕咩做啊！
@fason2.0 9 ай бұрын
🤍祝福你～
@Lifeisgood907 Ай бұрын
我今年26，同女朋友一齊三年幾，一直都有同女朋友提我想移民過加拿大嘅意願，因為畢業後一直係工作上kick住，做得唔開心，但佢就冇離開嘅意願。大概一個月前佢提出分手，原因係我個人太敏感，佢成日要顧及我情緒好辛苦，加上我打算走，咁不如就此分手。宜家接近一個月我仲係走唔出分手呢個事實，自問放唔低嘅原因1）係自己唔夠成熟，一直冇主動關心佢多d，冇換位思考，用佢愛的方式去愛佢，分手後先感受到佢嘅辛苦..2）覺得大家緣份未盡，好想追翻佢…驚自己再搵唔到咁痛愛自己嘅人..
@ada_ty 10 ай бұрын
🤍高質片 你知我好少正經CM 自卑呢樣野 其實真係可以摧毁一個人 唔知有幾多次感覺自己係0 連自己都睇唔起自己 但好認同你 有時只係自己唔放過自己 仲要俾過去既創傷繼續傷害自己 Btw好開心你heal緊大家同時heal緊自己:)
@fason2.0 9 ай бұрын
:) 一齊加油！
@fukuyoka702 10 ай бұрын
其實我一路都好逃避人際關係，真 係覺得好麻煩，點解一定要咁多八卦，點解要傷害人地抬高自己，點解唔可以純粹啲。 從而變得除左同屋企人之外，只鍾意自己一 個，返工覺得反正放左工大家都係陌生人，離職後基本上大家等於無識過一樣，所以永遠只係想唔好煩我，我淨係想靜靜地，我得返幾十年命，唔想剩餘既時間都拎黎討好一啲隨時會消失既關係。 每次我想自己放棄呢個諗法，身邊啲人都不斷用佢地既行動話俾我聽佢地真係好煩🥲 不停喺呢個loop度 從而令到自己做乜都無乜動力，覺得人生好無意思，好想屋企人離開哂之後自己就即刻跟住去就算。
@fason2.0 9 ай бұрын
🤍祝福你～ 另外頭半part經歷我kick過。 想同你講，你要面對自己逃避緊既野先係出口。 佢地煩但你內心有反應就一定係你內心有d野要搞搞佢，諗下啦
@honkreal696 10 ай бұрын
的確，日日都take住堆籍口去逃避問題，次次都賴人哋而唔正視自己嘅能力問題。正視自己好難，改正嘅過程都好難，但過到之後就會輕鬆得多了🤍多謝花生嘅雞湯，令我更有決心去改正自己🤍大家都要加油🤍
@fason2.0 9 ай бұрын
🤍祝福你～！！！
@3shinji 29 күн бұрын
THANKS
@Bclee71 10 ай бұрын
加油！💛
@HinryLau 9 ай бұрын
👍🏻👍🏻👍🏻
@heily754 10 ай бұрын
🤍呢段時間因為屋企人嘅離開，加上人際關係，加上本身就自卑，令到自己開始做咩都冇動力，其實有時候係真係知道自己錯乜，知道要點改，但係就因為小小野，就俾自己十萬個理由，咁就可以唔使改，唔進步，其實有時都幾憎自己點解會變到咁。多謝花生俾咗動力我，我同自己講，就算少少，每日進步少少，十日後，就進步好多ga la 。唔知有冇人會睇完我呢個留言😂不過我知有人都會同我一樣，嚟緊新嘅一日，新嘅開始，新嘅你💓
@fason2.0 9 ай бұрын
🤍祝福你～ 多謝你的分享！ 2星期後先覆你，想提提你有冇做 「新嘅開始，新嘅你」？
@heily754 9 ай бұрын
@@fason2.0 有！好開心應承咗自己嘅嘢真係有做到🩷
@dantv1140 10 ай бұрын
支持你
@junelau4727 8 ай бұрын
花生最近嘅分享都好高質，講中曬自卑人嘅心理活動😂
@fason2.0 8 ай бұрын
多謝haha
@joffychan2529 10 ай бұрын
多謝花生 我諗好多時人唔喺唔敢面對創傷 喺唔敢去面對受過傷嘅自己 當我自己都接受唔到自己嗰陣 又點去叫人接受我呢
@fason2.0 9 ай бұрын
🤍祝福你～ 我諗緊你呢句，原來有呢個角度，多謝你分享。
@Hahaahhhaa 10 ай бұрын
❤
@tsebella6124 10 ай бұрын
♥ 上一間公司被欺凌到近乎想自殺 到而家公司嘅所有同事都係好好人，好友善 但有時候都仍然會擔心我唔知幾時做左D野 令到人地唔喜歡，又會變返當初咁 有時候都會同同事講起以前嘅事，佢地都會認同果D人好衰 有時都會諗...講返出黎係純粹想得到認同定點？ 我認同賣慘係可以得到別人嘅同情 但有時都要提醒自己已經過去，唔需要再係果個傷口裡面 多謝你比我臨訓前睇到呢條片 有D傷口會留有疤痕 但疤痕令我感激自己曾經勇敢過♥
@fason2.0 9 ай бұрын
🤍祝福你～ 非常多謝你既分享！！ 「疤痕令我感激自己曾經勇敢過」 ～ thanks for this message
@autumnchan913 10 ай бұрын
講得好好 當局者迷 睇完先驚覺自己原來一直都因為某d過去經歷拒絕成長 做咗咁多年人 有啲嘢係時候搞搞佢 多謝你
@fason2.0 9 ай бұрын
🤍祝福你～
@fannywong7967 10 ай бұрын
😢見到auman,希望香港人堅持自己初心
@tobyhsieh1816 10 ай бұрын
幾時都話花生講經先正，有冇諗住開返個podcast 😂。 交功課（雖然都叫放低咗，但係都照講啦）： 話說小弟啱啱讀中學嘅時候已經好鍾意唱歌，當時學校從來都冇搞過音樂方面嘅比賽，即使有wind band 或者其他音樂校隊都冇玩過比賽。去到小弟from2，俾我個音樂miss發現咗我有唱開歌，所以就膽粗粗去參加比賽，當時得兩丁友，就係我同miss，好開心，我人生第一個比賽就攞到金獎，miss覺得我有潛質，所以就keep住幫我報名好多唔同嘅比賽，每次早會上台攞獎都好開心，由以前啲人係咁笑我肥仔，到而家全校都識我，仲好respect 我，開始越做越大，喺我讀from4 嘅時候，就有個師妹啱啱升上來讀from1，當時我哋嘅比賽集團已經開始越做越大，而且校長當我寶咁，對我好好，因為我幫學校攞好多獎😂，而嗰個師妹咁啱都係鍾意唱歌，我就邀請佢參加比賽，當然佢之後都有攞好多獎啦，（入正題）喺一次學校嘅演出，全校都入禮堂聽歌，校長就邀請我哋呢班參加比賽嘅同學上台唱歌，呢個時候我就柒啦，喺後台ready上堂之前，身為大師兄嘅我，就開始教佢哋啲舞台演出嘅嘢，因為我嘅舞台經驗都算好多，我好清楚好多執生嘅嘢，當我教完佢哋之後，上到台個個都冇嘢啦，去到我嘅時候，竟然喺全校嘅人面前走咗音，仲要係大破音，好啦，演出完啦，之後成個禮拜成個人都好冇心情，因為當時喺台上面，壓力真係好大，其他同學嘅掌聲比我嘅掌聲更加多，而且師妹嘅演出當時係非常之出色，佢本身人緣都比較好，所以佢就算走音都唔會出事，但我唔同，本身係俾人取笑，又冇乜friend，所以當時一走音就知道自己嚟緊呢個中學生涯真係唔知點過，我有個friend同我講，唔好咁在意呢啲嘢，都過咗去，之後做好啲咪得囉，但我心諗，你講就易啦，你估我內心真係咁諗咩？仲要由當日開始好多人都睇唔起我，直頭喺學校聽到嘅說話都係有人講起我個名，另一個人就話，嗰日唱歌走音個肥仔呀嘛，我就知賴嘢啦，因為本身我都比較在意人哋點睇我嘅人，簡稱要面，但係自從呢件事之後，都經過左兩三個月，去比自己冷靜吓，直到有一日，我的起心肝去參加晒學校宣傳緊嘅所有唱歌比賽同表演，我都同miss講，而家幫我搵比賽，我唔理有幾大型或者有幾廢嘅比賽，全部幫我報名晒，之後基本上嗰兩三個月每一日都係音樂室度練歌，去到而家真係越做越大啦，已經唔係有人睇唔起我，而家仲要因為幫學校攞咗好多好多獎，而家做埋學校嘅音樂學會主席，簡單啲來講喺學校關於音樂嘅所有野我都係最大粒，miss都話，學校從來都冇搞過呢啲嘢，你起到個頭咁大，畢咗業點算？😂。 功課就交完啦，希望你收貨啦😊，原諒我唔太識講嘢，成個故事可能會欠缺完整，睇完段comment，唔明係正常㗎，明就更加好啦😂，總之成個功課嘅總結就係因為自己太要面，太在意人哋點睇我，就係咁，完。Sor講到自己好偉大咁添，故事較長，感謝細心閱讀。🤍🤍🤍🤍🤍 話時話，真係好唔捨得攪屎棍，由你哋仲喺原始基地，都睇咗好幾年，會唔會FaceTime 返去同eg佢哋傾吓偈。
@fason2.0 9 ай бұрын
🤍祝福你～ 多謝你既分享。 遲左覆，因為好長，要有時間先坐低慢慢睇。 哈哈 我覺得你既故事好可愛 亦都恭喜你最後都拎返身彩hahaha🤣 攪屎棍呢家野，留在回憶中吧 😄
@tungli8907 10 ай бұрын
好鍾意睇你講野~希望出多D片
@fason2.0 9 ай бұрын
🤍好多謝你鍾意（睇）我講野～ 我真係努力學緊點樣剪片拍片快d又過到我標準～～ 我真係想愈出愈順～ 希望快d上到軌道出多d片～
@myl7927 10 ай бұрын
😊
@STEPHYSTEP-nf6zy 10 ай бұрын
共勉之
@qqball3007 10 ай бұрын
🤍🤍🤍我第一次睇你啲片，睇咗大概半分鐘到就即刻subscribe咗你～對你嘅說話超有共鳴。我係一個唔好嘅原生家庭成長，覺得自己20年都俾啲創傷困死，有時其實唔係因為想舒服而唔改變，而係嗰啲影響已經係控制住自己 但的確唔改變嘅情況下係可以乜都唔負責任，乜都賴曬落人哋度。但經歷完好痛苦嘅自卑loop之後，有其他人嘅同行陪伴鼓勵，我終於行咗出黎（但其實我都覺得好難），行出嚟之後覺得所有野都輕鬆超多！由以前唔敢set一啲人生目標變到會比目標自己去達成，一路進步，慢慢地讓自己的小小achivement累積，而家已經係一個會相信自己嘅人（之前真係覺得自己係0 甚至係人哋嘅負累 而家開始好鍾意自己嘅生活，覺得好開心🥺🥺多謝你呢條片，一齊加油！
@fason2.0 9 ай бұрын
hello, 多謝你呀！！ 感謝你的分享！ 🤍祝福你～
@sandyfan7214 10 ай бұрын
繼續支持🤍🤍
@fason2.0 9 ай бұрын
🤍感謝
@poonamy6212 10 ай бұрын
🤍🤍🤍估唔到你今次講經，好有深度💕亦都幫咗我，反省吓自己現在膠着嘅狀況💕
@fason2.0 9 ай бұрын
🤍祝福你～ 多謝你。
@rilakkumaalien9333 10 ай бұрын
好耐以前就有睇攪屎棍 係由攪屎棍識你，希望你地幾個仲係好朋友🥹
@user-xr3qc8xb7o 26 күн бұрын
小弟係香港一間好出名唔俾少年人拍拖嘅教會，當年好乖好聽話真係冇拍拖，但係大個咗一啲防禦能力都冇，因為佢哋只會一味唔俾拍，冇講點樣男女相處，冇一啲正面嘅教育。我怪返教會轉頭，拖係你哋唔俾拍，你而家怪返我轉頭。呢個係我放唔低嘅一個傷害。
@irisli7498 10 ай бұрын
多謝你呀花生!! 呢條片俾咗好大力量我🤲🏻 「負重前行」咗咁耐 都真係係時候放過自己 重新出發👺 P.s 由攪屎棍好初代開始已經有睇你 我哋一齊加油🙌🏻 等你出片啊🤍🤍
@fason2.0 9 ай бұрын
多謝你 你既留言都俾左好大力量我！ 🫡 唔好意思我剪片拍片仲有好多野學 會努力愈做愈好！🫡 🤍
@ccybb 10 ай бұрын
花生加油！
@fason2.0 9 ай бұрын
🤍多謝你！
@kaybb125 9 ай бұрын
我都成日反思 而我認為每件人事物 都係最好遇見既安排 安排我看見我。 所以我無論係 發生左既任何人事物 人際關係既緊張等等.... 呢啲事 都正好比我face up 自己既恐懼 從而令我可以往後有意識地選擇 去做我最想要既最好版本既自已😂 同埋多謝你分享你覺察既過程 令我好有共鳴 好窩心
@yosakiyiu 10 ай бұрын
過離睇十次啦❤
@fason2.0 9 ай бұрын
🤍2星期啦，睇夠100次未 （講笑
@conniesit572 8 ай бұрын
我係由攪屎棍就睇你嘅觀眾，亦都係第一次留言嘅觀眾，睇得出而家嘅花生係好純粹地做自己，令觀眾都好享受睇你嘅片❤ 近排嘅片真係講中晒我呢類內向自卑嘅人心態，最有共鳴係如果你不斷逃避問題，個課題只會用唔同形式再次擋喺你面前，直至你肯正面面對佢，我都努力讓自己成為有力量面對唔同挑戰嘅人，一齊加油💪🏻
@fason2.0 8 ай бұрын
❤ 哈哈 多謝你既第一次留言擺左係呢到。多謝你話我知我做自己會令你睇得舒服。❤ 一齊加油💪🏻 你個總結講得好好！
@kikotso5799 10 ай бұрын
Keeeep 住講經都幾好！有機會俾我地停落黎反思~
@fason2.0 9 ай бұрын
🤍 好的，我個腦有野想講就會拍～ 謝謝你
@amywong4558 10 ай бұрын
我都係好勁自卑感嘅人 可能原生家庭都係一個悲觀嘅環境 屋企人冇一句係正面 反而句句都鬧9我點樣令屋企唔開心 唔好搞咁多麻煩出嚟 自此之後 我就好驚同屋企人，朋友，同事同教友講一啲建設性嘅說話 驚佢哋又話我講嘅嘢冇用冇建設性 甚至當住其他人話我短時間冇改過，點做錯呢啲嘢 唔知點解 反而好想人地鬧我 鬧到幾難聽得幾難聽 表面上係想訓練自己EQ 實質上係用人哋難聽嘅說話肯定自己係超級冇用 反而自己消失會令呢個世界更美好 有朋友因為我太自卑同我傾咗好耐 亦都講左片中類似嘅說話 聽返都令我諗返起個個朋友對我講嘅說話 而家我都努力學緊呢個功課 當自己係一個品牌 盡量將自己嘅優點擺出嚟 等人哋見到都知我係一個點嘅人 其實 自己係好鐘意傾計 亦都好為食 仲要係大家眼中嘅開心果 每個行為都會令大家好開心 我會努力繼續學習 做一個更正面嘅人❤ 共勉之！
@fason2.0 9 ай бұрын
🤍祝福你～ 多謝你打咁長俾我，多謝你分享，多謝你多謝，希望你加油，原生家庭一定好大影響，但唔好再合理化呢樣野lu
@amywong4558 9 ай бұрын
@花生 一定會呀
@mandyfung2481 6 ай бұрын
好癲啊你！要真係好了解自己先做到誠實面對自己 我因為拒絕左一個男仔，而家人地同左個好普通完全唔靚既女仔求左婚，開始暴走，不過我真心從來都唔想同呢個男仔一齊，只係諗點解佢會幸福過自己 而家一直都同佢地一個圈子令到自己好壓抑，令到鐘意自己，自己又鐘意既對象就黎卻步啦 多謝你提醒左我，使我唔好諗放唔放低😂講左出黎先算 多謝你樹窿先生🥹
@fason2.0 6 ай бұрын
wow 你都成功面對到呢樣野都好唔簡單 恭喜你🥹
@wailanclairefung 10 ай бұрын
花生你講得好好，一路聽你分享一路反思緊自己，原來自己不知不覺成為緊一個「特別」嘅人😕多謝你分享自己嘅經歷同埋得著，走出呢個comfort zone 唔容易，我相信我地都一定得！
@fason2.0 9 ай бұрын
係！一定要走出呢個loop!
@edward4475 10 ай бұрын
多謝花生 我經常忽略去聆聽自己內心 反思自己 經常同人比較 為自己諗好多原因 自卑無自信 真係拖跨自己人生 會繼續支持您 一齊向前行
@fason2.0 9 ай бұрын
🤍祝福你～
@suyilei0920 10 ай бұрын
❤ 人生有太多嘅遺憾係無辦法改變 只會每次諗起嘅時候重覆內疚 每次都諗點解當時無好好珍惜機會 然後無限嘅後悔從心底湧出嚟
@fason2.0 9 ай бұрын
🤍祝福你～
@zac9354 10 ай бұрын
Thanks a lot🤍
@fason2.0 9 ай бұрын
🤍祝福你～
@snesst 5 ай бұрын
以前的我，再見了。我不會再記住了，那些不開心的事。自我催眠，到我做到為止。
@YanYan-sh7nq 10 ай бұрын
好好既分享呀～可以多D望鏡頭 好似一直望住個mon(?) 睇得冇咁投入
@fason2.0 9 ай бұрын
🤍收到 多謝你的建議 會慢慢改
@tomho4792 10 ай бұрын
🤍希望你地幾個仲係好朋友
@USA_LITTLE_MOCHI 10 ай бұрын
多謝你花生！🤍 唔係每一個人都可以Realise到自己沉醉緊係創傷入面，而Realise到再去提醒人哋嘅就更加少 我覺得係人都會驚去改變自己，可能因為擔心出嚟嘅後果會好差，又或者以前一啲經歷令到自己卻步，但呢啲都係自然反應嚟。恐懼係反應，但勇氣係決定，真正可恥嘅唔係恐懼，而係冇勇氣去面對！ 由以前攪屎棍時期開始就好鍾意花生，希望花生可以繼續分享自己嘅想法🙏🏻 BTW成條片都冇望過鏡頭係咪正常的
@fason2.0 9 ай бұрын
🤍祝福你～ 多謝你的分享！覺得你講得好好。 勇氣係重點。 我會繼續努力搵到我拍片剪片節奏，宜家出片好慢，我都想出多d。 最後，冇望鏡頭呢樣野我會改🤣
@KenLam3333 10 ай бұрын
🤍🤍 呢段時間身體好差 做咩都冇哂心機 完全冇社交 冇同身邊朋友講發生咩事 消失左大半年 日日都係度怨天尤人 不斷回想返自己以前身體幾好 依家做咩咁差 好似困住左走吾番出黎 自己仍變到好自卑 睇完條片好似俾左啲力量我
@fason2.0 9 ай бұрын
🤍祝福你～
@Siulamhappy0w0 10 ай бұрын
🤍我好開心再見到你，拍片分享所有事😬 我由睇攪屎棍 係攪屎棍識到你 所有事都係開心呀🙂希望繼續做自己開心既事。 而我呢...可能幾年前發生所有的事...越來越已經學識了自己面對所有事又或者開心同唔開心自己知道就好了 有時候都好羨慕別人有朋友陪伴...但有時候我都好喜歡自己一個去面對所有事... 因為自己歷經這個階段就知道面對問題後，我開始慢慢學識了解自己同學習自己的所有事， 其實可能之前都唔知自己想點樣，但以家慢慢開始認識到自己，同時慢慢都喜歡me time 。😆
@fason2.0 9 ай бұрын
🤍好多謝你開心見到我！！ 多謝你的分享 呢個部份我都同你有d似！
@user-so1kz8ej3d 10 ай бұрын
🤍因為只要我繼續拿著這個創傷，就可以說服自己是結果變成這樣是有原因，而不是因為我自己失敗或者無能
@fason2.0 9 ай бұрын
🤍祝福你～ 重點的core message ， 一針見血。
@christyyu6614 10 ай бұрын
我覺得你講得好啱攞咗一個創傷嘅經歷做藉口 自己乜嘢都唔做 就係因為自卑 令到自己長期停滯不前 你講嘅每一句都陷入到我嘅心靈 呢條片講得好好完全明白❤
@christyyu6614 10 ай бұрын
我睇到其中一個留言講得好啱 有啲傷會留疤 但係傷疤亦都同時話俾你聽你係會成長 人生冇可能一份風順 總會經歷一啲碰撞會留下傷疤 唔可能成世都會睇傷疤入面😅
@fason2.0 9 ай бұрын
🤍祝福你～
@choyiujackie 10 ай бұрын
睇到好有共嗚😭💛💛 我係啱啱走緊出黎既人，發現呢幾年因為做後期製作做到好壓抑同過去既一啲傷口，好容易驚好多野同諗好多野，變咗好努力咁收埋自己，去到好慣性咁將自己好多諗法壓抑落去，去到變成習慣，覺得自己嘅諗法唔重要，然後慢慢精神同身體都慢慢出現問題... 所以裸辭咗，而加讀翻書，玩翻2年先XD，實行所有一直想做既野(о´∀`о)! 其實所有野只係需要相信自己，然後實行就係咁簡單~ (雖然有時都會跌翻落個窿到XD但最緊要意識到就ok!!慢慢黎，一切會變好係真的！💓💓) 希望大家都可以放低對自己既歧視 希望大家都可以放低對自己既歧視 希望大家都可以放低對自己既歧視（重要的事要説多幾次!） 慢慢慢慢放低傷口就可以了~~~~
@fason2.0 9 ай бұрын
🤍祝福你～ 「其實所有野只係需要相信自己，然後實行就係咁簡單~」 這是我想表達的一切重點！ 感謝你的分享。
@Kemmt 10 ай бұрын
唔知係咪因為我都係it人 我都係覺得啲嘢有問題都係唔係提出，而係自已做咗先🫣 我相信自己都係有自卑感 但要講好仔細係咩事就講唔出 因為我覺得我係因為好多好多小事而自卑🫣
@fason2.0 9 ай бұрын
🤍祝福你～ 慢慢黎。要真係靜靜地諗同搵
@Je5emy 10 ай бұрын
花生應該係咁多個KZfaqr入邊真係會面對觀眾 做最真實嘅自己嘅KZfaqr
@fason2.0 9 ай бұрын
因為我拍KZfaq唔夠人叻，我就做自己到極致，咁我相信冇人夠我做我自己更加叻
@croissant_23 10 ай бұрын
你講嘅所有野都好到肉🥲🤍
@fason2.0 9 ай бұрын
🤍祝福你～ 哈哈 經歷過嘛
@mulanhua4152 10 ай бұрын
讀緊vet但淨係覺得自己做得唔夠人好 同人social都唔想 日日喺度驚畢唔到業🥲
@fason2.0 9 ай бұрын
🤍祝福你～
@fason2.0 10 ай бұрын
8:33
@sylviawong823 10 ай бұрын
由攪屎棍認識你 想講覺得你唱歌好好聽 會聽完個cover再聽🤣 會keep住支持你個人channel 希望你會keep住出cover🤣
@fason2.0 9 ай бұрын
hi! 多謝你!! 我會出多d，之後都會搵唔同人合作，黎緊都有心繼續做！ 仲學緊 拍片剪片等等我都仲係好慢 希望俾你見到我愈出愈多片同cover la! thanks a lot!
@chnet968 10 ай бұрын
我覺得對於過去有創傷既人嚟講, 移民係一個同自己既過去切割既最好理由. 搬到去一個冇人識你, 亦都冇人 care 你係邊個既地方. 無論你以前的狀況有幾差, 都可以當白紙一張重新開始. 你希望成為一個點樣既人, 你就可以努力去成為一個點樣既人.
@fason2.0 9 ай бұрын
我唔係好同意，其實有d問題係跟係自己到，唔會換左個地方就冇左。
@musichair_1435 10 ай бұрын
「點解會拎住呢個創傷」 可能係因為呢個創傷 係自己其中一個面具 一個盔甲 點解放唔低 呢個問題就好似 點解唔可以唔着衫出街 想嘗試放低 但係唔知有咩方法 多謝你去分享自己嘅嘢 因為分享自己先係最困難
@fason2.0 9 ай бұрын
🤍祝福你～ 感覺你未係好捉到個位，希望有一日你可以叮一聲。
@wenyenwu2410 Ай бұрын
好喜歡你帶給觀眾的正能量 說話溫柔又可愛🤍
@fason2.0 Ай бұрын
好喜歡你的留言 🤍 呵呵 讚到我要飄起來怎辦
@wenyenwu2410 Ай бұрын
@@fason2.0 可以可以 記得降落回地面就好 還要看很多你的video！٩(˃̶͈̀௰˂̶͈́)و
@fason2.0 Ай бұрын
@@wenyenwu2410 哈哈哈 🤣 笑翻了 要頭落地了
@devilchiu8150 10 ай бұрын
今次呢條片我好想即刻俾我個fd，但要過埋今晚先，因為佢今晚又要面對佢嘅創傷（飛鏢比賽），但又覺得自己搞唔掂，我好想俾佢知道可以有好多方法去面對，多謝你俾呢個答案佢❤
@fason2.0 9 ай бұрын
🤍祝福你們。亦都非常欣賞你幫個朋友諗同分享俾佢。
@user-yt5bm9jh3u 10 ай бұрын
6:27 🤍
@fason2.0 9 ай бұрын
yea I like this~ 🤍
@chimanw 10 ай бұрын
🤍 唉 雖然唔係好關事 但近期又準備要跌番落負債嘅漩渦⋯ 但一切都只能怪自己唔識拒絕😢 要努力儲錢還哂佢 我唔敢同身邊嘅人講，但喺呢到我可以講等我釋放下心中壓力，謝謝你花生🤍
@fason2.0 9 ай бұрын
🤍祝福你～ 多謝你分享。 希望你搞得掂，隨時黎放低，我會繼續拍片～
@chimanw 9 ай бұрын
@@fason2.0 🤍多謝你
@chichiggg 9 ай бұрын
🤍
@user-sv5lu3hd9r 10 ай бұрын
🤍 好誠實咁講我係睇到喊的 也許並唔係因為啲乜嘢說話好感人 而係 自己諗返起以前各種嘅經歷 而我而家面對最大嘅心結可能好可笑 比自己鍾意嘅男仔拒絕過後 一段時間後 我哋和好咗 原本已經冇再有feel 但我又再鍾意佢 佢知道咗之後 選擇咗冷漠我去處理呢件事 我從此就陷入咗「點解佢鍾意嘅唔係我？係咪我唔夠好？係咪我唔值得被愛？」等等嘅漩渦 繼而我做任何事都會唔自覺諗起 而點解我繼續揸住呢個心結 或多或少係因為自己唔敢去放開呢個我曾經好愛嘅人 但希望今次之後 曾經呢兩個字再唔係口講 而係諗法都可以當呢件事 呢個人係曾經 已經發生 不能改變 挽回 放開 放開所有 放開牽掛 而家我哋唔再同一班 再加上呢條片 我相信 我做到的 多謝你 花生🤍🤍 也許有少少表達得唔清楚sorry for 1999🥹🙏🏻
@fason2.0 9 ай бұрын
🤍祝福你～ 多謝你分享，多謝你敢於承認你睇到喊，多謝你分享你的想法和感受。 保持相信自己！
@vadoscount7265 10 ай бұрын
點解我仲要take住呢個創傷？ 因為我冇能力留得住佢 或者再吸引到一個容許我愛得咁深咁特別嘅人🤍
@fason2.0 9 ай бұрын
🤍祝福你～
@user-yi9lp5uf8x 10 ай бұрын
幾怕你唔拍youtube嗰日 QAQ
@fason2.0 9 ай бұрын
我剪片拍片慢咋，黎緊會加速架喇，希望愈拍愈順啦！
@queeniewong557 10 ай бұрын
因為性侵既創傷係永久？好想放底但好多人口中都話你情我願你唔比人地點會郁到你，而我又不斷思考咁係咪真係我既錯
@fason2.0 9 ай бұрын
呢個有D復雜，有需要記得搵屋企人傾下!
@tampoto1 10 ай бұрын
🤍春秋
@sintingwon7343 10 ай бұрын
開頭攪屎棍得你哋5個成員既時候我覺得睇得最開心，仲記得有年臨近聖誕你哋係尖沙咀海傍搞busking, 我自己一個人都去支持你哋。但去到後期愈加愈多人但過啲人又唔知做咩咁，感覺同你哋既風格格格不入咁，漸漸開始就無再睇
@fason2.0 9 ай бұрын
hello~ 聖誕節尖沙咀busking我都仲係好深刻的，多謝你當時係到 ～😁 後尾既攪屎棍我自己都格格不入，哈哈，可能我大個，鍾意講經。
@HKcloudblue 10 ай бұрын
Where are you live now?
@fason2.0 9 ай бұрын
UK BRISTOL
@_just.someone.fanq_ 9 ай бұрын
🤍
@fantasydesk 10 ай бұрын
想講一件真人認識你既事 係旺角恒生 大懵既我㩒完錢無拎卡 你拍拍我比番我 Anyways thanks but it’s years ago hahaha
@knmyu2974 10 ай бұрын
咁有緣
@fason2.0 9 ай бұрын
wa.. haha 我完全唔記得左，咁多年你仲記得仲要宜家先黎相認咁好笑 hahaha 🤣🤣
@vincent9999 8 ай бұрын
其實你個人真係好自私 次次都合理化自己嘅行為
@hayleywong8113 10 ай бұрын
你之前整親耳仔 ja woo 點解你成個人好似脫胎換骨左甘既 😝
@fason2.0 9 ай бұрын
🤣 I like this comment wo. 可能我都因為咁撞一撞，真係撞醒左。
@26holic 10 ай бұрын
❤
@bingbingchu3 10 ай бұрын
🤍
@daisukineko2574 10 ай бұрын
❤
@C9yn 10 ай бұрын
❤
@siukeeho9652 10 ай бұрын
❤
@Bluebluechi37 10 ай бұрын
❤
@kaimanfung6449 10 ай бұрын
❤
@fason2.0 10 ай бұрын
同學你犯規
@wing4618 10 ай бұрын
❤
@fason2.0 9 ай бұрын
🤍
@missApink 10 ай бұрын
🤍
@wawawa529 10 ай бұрын
🤍🤍🤍🤍
@sitivan 10 ай бұрын
🤍🤍🤍🤍🤍🤍
@zz7126 10 ай бұрын
🤍
@iriswong439 10 ай бұрын
🫂
@tylerchan6633 10 ай бұрын
🤍
@kelvinho673 10 ай бұрын
🤍🤍🤍
@ziacc316 Ай бұрын
🤍
@fason2.0 Ай бұрын
🤍
@homekong1630 10 ай бұрын
🤍🤍
@riley1134 10 ай бұрын
🤍
@user-ic1yh7cy7d 10 ай бұрын
🤍
@ireneng6191 Ай бұрын
🤍
@fason2.0 Ай бұрын
🤍
@shakalakaboom4788 10 ай бұрын
🤍
@user-qh4lm1hx5s 10 ай бұрын
🤍
@audreyhcy1771 10 ай бұрын
🤍
@user-ic1yh7cy7d 10 ай бұрын
🤍
@kashunlam7712 10 ай бұрын
🤍
@user-xl7pb3sb5b 10 ай бұрын
🤍
@doris3819 10 ай бұрын
🤍
@tristaho6804 10 ай бұрын
🤍🤍
@kintaitintin9502 10 ай бұрын
🤍
@GCMTI15500 10 ай бұрын
🤍
@FanGirrlll 10 ай бұрын
🤍
BBO | Black Box office
Рет қаралды 268 М.
Bobtivation 林盛斌
Рет қаралды 59 М.