Hiai Charity for Frontliners Team Khenkei Ni in tu i gaal hun a eite bitna ding a ana pang Frontline te ading tuam liuliau a Gamngaih laa sakna toh Online Charity hon ki nei ahi.
Hiai hun a zaila hon awih sak ding in i Lamka tual sung a lasiam Elson Samte, Anggu Singsit, RDi, T. Suanlian Tonsing, Christy Vunggohching, Tracy Ngaihching, Raphael, Hatboi Zou, Lemkim, Zenngaihsang, Nunmawi Dousel, Mary Vaiphei, Dinpui Joute, Lun Simte leh Hnunhoih ten lasakna hon nei ding uh ahi.
Team Khenkei Ni in hichibang programme hon kisawm pen Frontline mah ah va kipai a ataksap te uh va kikan a huai dungzui a pantheih na chiat chihziak a hiai Event hon kisai ahi.
Hiai teng ban ah hiai Event lohching na dia pan nasa tak a hon lakpih leh vanzat tuamtuam hon zang sak Uptown Media,Lamka Sound, Megavibes,Seismic Jampad, Benben Samte,Sang Tangpua, ZRS flowers & Siamlian Hangzo.
Hiai teng kia le hilou International Donors te hon na et kaipih NAMTA(North America Manipur Tribals Association) te Tung a le Kipak petmah kahi uh.
Hiai hun a Lamka leh mun tuam tuam, International hita leh Donation hon bawl tengteng tung a athak thak in Team Khen Kei Ni in kipahthu kon gen uh hi.