بكري كانت دارنا مبنية بالقرمود والتارنيت كي يكون الريح نباتو نحوسو على التارنيت لي داه الريح 😢 امالا على هذيك قررنا نديرو الدالا 😃 المهم عامين واحنا نبنيووالنتيجة 6 شنابر على جيهة وخمسة على جيهة وكولوار طويل ف الوسط 😃 عامين واحنا نبنيوو بنيناها تشبه للسبيطار 😢 كنت كي يخرج خويا من شمبرتو نقولو جا الطبيب ولا مزال ؟ 🤔 يقولي رانا نستناو مزال ماجاش 😃 ممبعد نشوف خويا لاخر جاي من بعيد يمشي مع الكولوار نروح عندو نقولو باغي نسقسيك خويا وين يديرو الراديو ؟😃 يقولي روحي ديراكت ودوري على ليمنى 😃 بصح يما كي كنت نضحك معاها ونقولها وين ينحيوو الضروس تقولي روحي خير ملا نضربك بطاوة 😂 مام فوق الدالا تبان طويلة تقول مطار خفنا كاش طيارة تغلط تحسبو المطار تحط فوق رووسنا تقتلنا كامل 😢 امالا على هذيك رحلنا 😂