ونعم مليون فيه وفي قبيلته عنزه عيال وايل لهم في قلبي محبه خاصه لعروبتهم وتاريخهم الجميل ،وقبايل الشمال بشكل عام واشكر الدكتور المالكي ع جهوده الطيبه ، عتيبي مر من هنا ✋🏻

‏والله وسبعين نعم بهذا الرجل الشمالي الكفو/ هديس بن صبر العنزي هذا الكريم الصخي قبل خمس سنوات أكرمني أنا وربعي يام في قصر في الرياض بعد ما سمع مني قصيدة في قبيلة عنزة واصر الا اجيه ويكرمنا وعز الله انه ونعم وما زلت متواصل معه إلى الآن من أكرم وأصدق وأنبال الرجال.. الشاعر / محمد الشرمان اليامي

الصدق والطيب في وجه هذا العود ٠الله يمتعه بالصحه والعافيه

ونعم ابو نايف رجل الطيب والكرم وحُسْن وصدق الحديث وشكرا لمن عمل اللقاء

والله ومليون نعم بعنزه عيال وايل من اكرم الناس و احسن الناس اخلاق واخوه انا من بني شهر واغلب اصدقائي منهم وهذا الشايب يتكلم عن سوالف قديمه مايعرفها إلا كبار السن وهولاء النوعيات من الناس عمله صعبه مايعرفون الكذب والمجاملات والمالكي دكتور فاهم وعنده خلفيه كبيره عن عادات القبائل وله لقاءات مع كثير من شعار القلطه والعرضه تحياتي واحترامي لكل القبائل وكما قال المثل كل ديره فيها حقها من رجالها

بيض الله وجهك يا ابوحمدان على هالحلقة وهي امتداد لتألقك وابداعك وذائقتك .. الضيف احسه من شيبانا يشهد الله وانا قحطاني من الجنوب الا ان العادات والعلوم تتشابه لحد التطابق في كثير من الامور .

والله كفو هذاالرجل الشيخ هـديس وصدوق واول مره اسمع المقابله معه لكن سررت وسعدت جدًا بحديث هذاالرجل

نشكرم على اختيار هذا الضيف الوافى صاحب الجواب الكافي الله يمده بالصحه والعافيه وشخصكم الكريم وجميع المشاهدين والمتابعين

هذي والله المقابلات الطيبه من كبار السن طول الله في أعمارهم

ياعسى طاريكم ماينقطع يالويلان .. يزين هرجه .. يوم يقول ( فعلت بحلال صبر مافعلت بالقوم ) والله من طيب راسك وطيب راس ابوك يامال الجنه .. ونعم ياراع البلهاء

اجمل ماقيل بالقهوه الشيخ مشاري بن ربيعان والامير النوري بن شعلان والشيخ ابن دعيجاء كلها ابيات في وصف القهوة

مشاءالله تبارك الله لقاء اكثر من رائع

رجل كريم من الدرجة الاولى الله يكثر امثاله ابونايف ابن دخين كل من يعرفه يشهد له بالكرم يعتبر من كرماء زمانه حسب مااسمع عنه من الرجال الي يجون يمه من عنزة وغير عنزة كفو ملايين ولاتكفيه

ونعم بعيال عنزه ونعم بعيال قحطان انا اشهد ان القحطاني فزع لك

اهل الشمال كرمهم مافيه شك ينزلون على الطريق وعشو الذيابه ابن مهيد مصوت بالعشاء للخطار

كفوووووووو ابو وايل ونعم بقحطان عزالله موفقين لفعل الطيب

ياطيب راس ذاالعود اشهد انه رجال ولد رجال ويكفيه انه من رجال عنزة كريمين السبال عيال وايل والف نعم من غير قصور في باقي القبايل . لقد اعجبتني سوالفه وعزيمته للشيوخ وهوطفران مايملك سوى خمسة ريالات ولكن كما يقول المثل الشجاع منجى والكريم معان وهذا رجل كريم وقد اعانه الله واكرم ضيوفه وتجمل وحاز على كلمة نعم التي يسعى لها كل رجل فيه خير المتابع دوسري .

الله يطول بعمر ابو نايف وشكرآ لدكتور محمد المالك على قناته الجميله والمتنوعه بالقصص والشعر 🌹

بيض الله وجهك يابوحمدان وبيض الله وجه ضيفك على هذا اللقاء الممتع المفيد دايماسباق الى كل مفيد وفقك الله

ونعم فيك يالبناخي وماهي غريبه علينا وحنا عيال وايل ،،،، والنعم في كل القبايل حاظره وباديه،،

والله ونعم من هديس الله يعطيه الصحه العافيه ياليت ذكرة القحطاني والله انه تجمل وجمل خويه وابو نايف معروف كلمة نعم قليله بحقه

شكراً يادكتور محمد لقاء مميز

ونعم في عنزة عيال وايل، أهل الشهامة والكرم والمروءة… والنعم كذلك في الدكتور محمد العبدلي المالكي فهو دائمًا حريص على نشر كل ماهو جميل من تراث المملكة، وقصص رجالها…

ياحبي في عيال وايل محمد المالكي الطائف

الله يطول عمر ضيف وعمرك يا دكتور على الانصاف تاخذ لقاء مع الجميع بدون تفريق وتشكر والله يرحم شيبانك

ونعم بالقحطاني ولاهو غريبه على العرب

ونعم بالشيخ ابو نايف هو رجلٍ طيب بس المفروض يشهر اسم القحطاني لكي يعرف لإن القحطاني يعتبر رجل طيب ويستاهل اللي يعلن اسمه على فعله الطيب .

ونعم بهذا الرجل

ياحلو سوالف هالرجل طول الله بعمره وكثر الله من امثاله ثانيا اشكر الدكتور شكرا جزيل واشكره جدا على الاختيار وانصحه اذا يبي مقابله اجزم بانها تكون ممتازه جدا مع الشيخ قابل بن عياط الجزله الرويلي عمده هجره هدبان بمنطقه الجوف حيث عنده من القصص والقصيد والبلاغه بذلك ومعروف بالمنطقه بذلك ويعتبر راوي ولاكن بعيد عن الاعلام لذا اطلب من دكتورنا اجرا مقابله معه وشكرا 🌹✋🏻

اشكرك يادكتور على الابداع الغير مستغرب والله يطول بعمره وارجو منك انك تزورنا بدالمدينه ❤️

الجود من الماجود اول ماكل الناس قادرة ع الذبح يكرمون ضيفهم من الميسور ولايميزون بين احد من الناس يعتبرون اللي يجيهم عابر طريق ضيف مهما كان من الناس

الرجال صادق في اعلومه ولا عنده كذب ولا هياط عطاك العلم الاكيد في حياة الاولين ..

الله يطول في عمره ويازين سوالف الشيبان الله يطول بعمره ويعطيه الصحه والعافيه

حلوه المقابله نبي جزء ثاني

بيض الله وجه القحطاني يارب ترفع ذكره دنيا وآخره شخص محضوض الي هذا فعله

اكثرالله من امثاله وشرواه من الطيبين والشيوخ

ماقول إلا الله لايضيع لك تعب ي دكتور

يعطيك العافيه على اللقاء

أسأل الله جل في علاه أن يطيل في عمرك على طاعته وأن يوفقك لكل ما فيه خير وصلاح في الدارين.. وافي طال عمرك وافي يا الغالي.. ما شاء الله تبارك الله.. ما شاء الله تبارك الله.. ما شاء الله تبارك الله..

والله والف نعم ولد العم

والنعم في ابي نايف رجل المكارم ونعم فيكم يا كل القبايل اللي علقتم من اقصى الجنوب لأقصى الشمال ومن اقصى الغرب للشرق ولا عليكم زود

الله يطول عمره يارب

والله والنعم رجل متواضع

وستين نعم و الله يطول بعمره و يخليه لنا جدي

الف شكر لصاحب القناه على هذا اللقاء الرائع ونرجو منك عمل أكثر من لقاء مع هذا الرجل الطيب

راحوا رجال الفطرة والخير والبركة ضلت رجال الفتن والتكفير بين الأخوة المسلمين والعرب

ونعم بابو نايف عنده شبه كل صباح لجيرانه والمسايير ومن اجمل الزيارات الحديث معه كريم سمح محيا رجل اخلاقه فاضله ومجلسه عامر بابه مفتوح مايغلق اول علامات منزله هيل القهوه والوثل يمين مدخل القصر شاهد

صلوا على الرسول كفو ابو نايف ونعم بالدكتور المالكي

الله يمتعه باالصحه والعافيه كلامه كلام الرجال الصادقين

ونعم ابو نايف جارنا وكريم وطيب نفس وسوالف طيبه

ونعم بشيوخ عنزه كافه اااالله يوفق الجميع

الله يحفظك يابو حمدان انت وضيفك لقد غذيت نفوسنا بهذه المقابله مع هاذا الرجل النادر وكنت اضنهم شح بهم الزمان احسنت عندما تركته يسترسل بالحديث حبذا لو طلبت منه التحضير لمقابله ثانيه ان رايتها مناسبه ابحث لنا عن من يمثلون مكارم الأخلاق مثل ضيفك وفقك الله جارالله اللحيدان

الشايب كلامة يشرح الصدر لقاء عفوي جدآ

هل بالإمكان تقسيم هذا المقطع مثل ماهو

ونعم

عسى عمره طويييييييل❤️

ياحلو هالخشم ياشيخنا الله يمد بعمرك ..والله ياجماعه سوالف شايبنا هذا تذكرني بسولف اهلي الله يرحمهم

ياعمي والله جتنا ايام تاصل درجة الحراره 9تحت الصفر

الله يعطيه الصحة والعافية شيبت الرحمن

لاهنت ياصاحب القناة ابي اتواصل معك ضروري جداً الله يسعدك

اطال الله عمره سلطان الركابي العنزي# خيبر

ونعم والله فيكم ولاهو قصور في باقي القبايل

ونعم بعنزه وكل القبايل فيها من الخيرين نصيب

ونعم ابونايف من رجال السبعه المعروفين بالطيب والكرم

نتمى تقابل ناس طيبه للاستفاده منهم

ونعم الشارب ..حي والله هالراس . ماغريبه على أولاد وايل ..يقولون شيباننا عنزه اول مثل التاج في رؤوس العرب يختلفون عن القبايل من غير قصور بالقبايل

ونعم منه هذا سبيعي والله اني ما اعرفه لكن السبعه معروفين اهل العرفاء

ونعم بعيال وايل

المفروض الشيخ ابونايف يذكر اسم القحطاني اللي وقف معاه يوم قلط الشيوخ على الغدا وهذا مسؤول عنه الدكتور المالكي

ونعم من عنزه راعي الابل جدي اسم حويل الجخيدم من ساري من رجلين

قبل اسبوع وصلت درجة الحراره عندنا 7تحت الصفر

ونعم اولاد وايل خذ خوه

البير ويلقا الدلو...وفي الشمال عرعر وطريف ..ماتجي ممكن التوضيح وين

صدوق كلامه من الواقع الي مر فيه

ونعم بصبر وعياله

دكتور محمد عندي سؤال إذا تكرمت ليش ماانت طالع في الصوره؟؟

هاذا هديس الدخين العريفي؟

شكلي وانا ذا جدي 😭😭

السلام عليكم حويل ساري الفدعاني جدي

دكتور محمد المالكي هو الاعلام الباحث عن الفائدة والعبق والمتعة بلا فلسفة وبلا بحث عن الاثارة وبلا فتنة واسئلة محرجة شكرا يادكتور ،،

حويل جدي الله رحمه رعي البعارين

الحلف بغير الله شرك... تمنيت الشيخ قاله ياضيف الحلف بغير الله لا يجوز

الصفر والشعل صحيح هي اكثر الابل

المفروض كل الناس من جمع القبائل الي عندهم عرف وجبروا حيات ااالبدوء يتصورا وقص القصص والشعر

ربي يطول بعمرك يا جدي

الدقيقه ٤٥ ماهي غريبه على عيال العود

قصة الشيخ صياح المرتعد يسطر لها الشيم والنبل

ا

س/وش علامة الكرم؟ ج/النبا. وش النبا؟

باحو الشعار خلصت عليهم

من ياكل الضبع الجعير ما ياكل الا الجيف والحمير

من قدم الطيب يلقاه ربي اصلح لنا النوايا وزيدنا من فظلك نعم... راحة الضمير تتوهج في طلق حجاج هذا الوالد الكريم حفظه اللّٰه وامده باالصحه والاجر فمن اكرم يُكرّم..

يقول المثل يالله بلي نباه خير من قراه

والنعم في المالكي بس وش عرفه بعاداة الشمال

المذيع ملقوف مايصبر. يقطع السالفه

ماشاءالله تبارك الله الله لايخلي الارض من هذا الصنف من الناس سعه صدر وسوالف تنومس

اهل الشمال تقول اسكيمو مايحسون بالبرد

بس فيه سالفه ي ليته ماجابها ( حقت البنت اللي عطته بوسه ) اذا صدز فهذي مصيبه واذا مو مصدز فالكذب اعظمُ 😂✋🏻

امحق سالفه يابعض الهرج انه خبال