Биыл, яғни 2021 жылғы тамыз айының қайнаған күндерінің бірінде маған Жамбыл облысы Сарысу ауданы Жаңаталап ауылдық аймағына қарасты Жаңаталап ауылының біршама егіншілері келіп жолыққан болатын. Олар "КАЗСУШАР" мекемесіне алдын ала егіндікті суаратын судың ақшасын төлеп қойғандарын, бірақта алды бір айдан астам уақыт өтседе судың берілмегіндігін айтып,егіндіктегі ауылшаруашылық дақылдары қурап бара жатқанын тілге тиек етті. Осы жағдай туралы әлеуметтік желіге видеоролик жариялағаным сол-ақ екен Жаңаталап ауылдық аймағының әкімі Темірлан Абдраев келіп менімен жолықты.,Осы ауылдағы егіндікке су келетін құбырдың "Сарыөзек" деп аталатын бір бөлшегінде ақау пайда болғанын,соның салдарынан су дұрыс келмей жатқанын айтты. Небәрі 1200 метр құрайтын бетон арығын жөндеу үшін 2-3 жыл бұрын 45 млн. тенге жұмсалғанын, былтырғы жылы 41 млн. теңге жұмсалғанын бүкіл халық біледі. Бірінші жөндеу жұмыстарын кәсіпкер Темірхан Ақмағанбетов жүргізсе, екінші рет жөндеу жұмыстарын Сарысу аудандық мәслихаттың депутаты Фархад Шайымқұлов деген азамат жүргізді. Соншама қаражат жұмсалған 1200 метрлік бетон арығы неге бұзыла береді деген сұрақ туындайды.Осы мәселені құзырлы мекемелер тексермей неліктен немқұрайлық танытып отыр ?
Сонымен ауыл әкімі "КАЗСУШАР! -дың Сарысу ауданындағы бөлімінің басшысы А.Төлмағанбетовпен хабарласқанын, ол азаматтың ауылда жоқ болғандықтан екеуі суды егіндікке жеткізіп береміз, ,"ГАРАНТИЯсы" бар "Сарыөзекте" қайта жөнделеді деген уәде де берген болатын. Видеороликті әлеуметтік желіден алуын өтінді. Сол уақыттың өзінде 500-ден астам көрілім болған .Лауазымды қызметте еңбек етіп, ел басқарып отырған,"NurOtan" партиясының мүшелері, атқа мінер азаматтарға сеніп әлеуметтік желіден видеороликті алғаным бар еді.
Кейінірек егіншілерді мемлекетіміздің астанасы Нұрсұлтан қаласынан арнайы келген "Территория правды" ақпараттық агенттігінің бас редакторы Нұрымбетова Жанар Турбалаевна, "Ресмифактор" республикалық газетінің бас редакторы Алия Ортаевалармен бірге ііздеп барғанымызда біруіде кездесуге келмеді. Егіншілерді қорқытып қойды ма деген ой да келді маған,журналистердің алдында ұялып та қалдым.. Дегенмен де Жаңаталап ауылында тұратын "Сарысу ауданының Құрметті азаматы",ұзақ жылдар бойы осы ауылда ел басқарған Нұраш Сұлтанбеков ағамыз егіндіктің көптеген мәселелерін көтерді. Бұл туралы жоғарыда аталған журналисттердің видеотүсірілімдері әлеуметтік желіден жарық көрді.
Арада үш ай өтті. "Сарыөзек" каналы қайта жөнделді ме ? Егіншілердің жоқ суға төлеген ақшасы қайтарылды ма? Құрап кеткен ауылшаруашылық дақылдарының шығынын кім төлейді егіншілерге? Оларда балашағаларымызды асыраймыз ,күнімізді көреміз деп жүрген азаматтар емес пе? Жер жыртуға ( биылғы жылы 1 га жер жырту 32 мың теңге, арық тарту 5 мың теңге болды), арық тартуға , дән себуге қаншама қаражаттары кетті десеңізші.Тіпті берілмеген суға да алдын ала төлеп қойған.
"NurOtan" фракциясынан ҚР Парламенті Мәжілісінің депутаты Сырым Адамбаевтың қоғамдық көмекшісі Нұржан Есмаханов.