Рет қаралды 236,483
Түркияның Стамбул қаласында үш бірдей қазақ қызы соққыға жығылды. Ең сорақысы - атпалдай азаматтардың жұдырығын жеп, тепкісінің астында қалған қазақстандық туристердің бірі қазір қамауда жатыр. Оған - түрік азаматының саусағын тістеп, жарақат салды деген айып тағылған. Клуб қарауылдарының қыздарды аяусыз соққыға жығып, шаштарынан сүйреген сәті бейнебақылау камерасына түсіп қалған.
Түрік телеарналары кішкене ғана үзігін беріп, ақпарат таратқан мына кадрларды біздің арнаға Түркия қазақтары жіберді. Олар, қыздардың жазықсыз соққыға жығылғанына сенімді. Мұнда алып денелі жігіттердің қыздарды шашынан сүйреп, жұдырықтап жатқан сәті анық көрінеді. Қыздардың өзі түрік телеарналарына берген сұхбатта оқиғаның неден басталғанын түсіндіріпті. Олар, клубтың ішінде отырып, құрбысына қай жерде отырғанын айту үшін, нысанның сыртын суретке түсіруге шыққан кезде клуб қарауылдары ерегісе бастады дейді.
ТҮРКИЯДАҒЫ ҚАЗАҚСТАН АЗАМАТЫ:
- Басында бес ер адам жабылып, ұра бастағанда, менің шамам келмеді. Нөмірімізді сұрағанға бермей қойғанымыз бар, оның үстіне, сыртқа шығып, сол жерді суретке түсіріп, құрбымызға жібермек болғанбыз. Содан басталды. Бір құрбымды шашынан сүйреді.
Саусағы тістелген қарауыл қызметкері бірі қазір ауруханада жатыр. Осы жігітке дене жарақатын салды деп, қазақстандық Ұлбосын Малгаджарова қамауға алынған. Құрбылары, ол өзін қорғағысы ғана келді, біз екі мәрте шақырғанда келмеген полиция, түрік азаматтары қоңырау шалғанда бірден келіп, Ұлбосынды алып кетті деп отыр.
ТҮРКИЯДАҒЫ ҚАЗАҚСТАН АЗАМАТЫ:
- Мен полиция шақырамын деп телефонымды қолыма алған кезде, мені ұра бастады. Шашымнан сүйреп, сыртқа шығармақ болды. Екі рет полицияға қоңырау шалдық, келмеді. Ал құрбымның бір ер адам шашынан тартып, екіншісі аузына қолын салып, былай ашпақ болғанда, ол тістеп алды.
Бұл жағдайдан хабардар Қазақстанның Түркиядағы елшісі Абзал Сапарбекұлы, бұл мәселе бойынша ҚР Стамбулдағы консулдығы айналысып жатқанын, қыздардан шағым түспесе де, консулдық азаматтарымызды өздері тауып, көмек көрсетіп жатқанын айтты. Ал, қамаудағы қызға адвокат беріліпті. Қыздар қазір өздерін соққыға жыққан түрік азаматтарының үстінен шағым жазбақ. Әзірге, Стамбул қаласының полициясында саусағынан зақым алған түрік азаматының шағымы қаралуда.
Ирина Советжанқызы
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Стамбул #клубтағы_жанжал #қылмыс