"Баткендин экс-губернатору Айбалаев 1995-жылы бажасы Акаевге кошулуп, Абсамат Масалиевге каршы иштегенден бери бийликке кызмат кылып калган... Баткендеги жергиликтүү тургундарды башка жакка көчүрүп жаткандын өзү - акылсыздык, алсыздык. Ал жерден көчүштүн кажети жок. Кылымдар бою жашап келген жер, ошо жерде калыш керек, жашаш керек. Башка маселе ал жерде жашоо шартын кандай кылып чечүү керек? Мына ошол Тажикстан менен сүйлөшүүлөрдү жүргүзүү, маселелерди чечүүгө мүмкүнчүлүгү бар азамат жигиттер менен кыздардын жоктугунун кесепети болуп жатат" - деп билдирди Адахан Мадумаров.
2-3 күндөн бери туура эмес багыттагы провокацияны бийлик өзү жасап жатат. Бул кызылдай провокация. Кээ бир акырдан жем жеп жүргөн ММК аркылуу маселенин бүт баарын Мадумаровго оодарып, "мына көрдүк", "таптык", күнөө Мадумаровдо экен деп кыйкырп жаткандыгы - кечирип койгула, айбандын айбандыгы! Бүгүнкү бийликтин аябагандай алсыздыгы, түркөйлүгү, сабатсыздыгы, коркотугу" - дейт Мадумаров.