Рет қаралды 636
2024 жыл игі жақсылықтарымен басталды. Аудан орталығы Ақсуат ауылынан мемлекеттік-жекеменшік әріптестік аясында «Асыл шәкірт» жекеменшік балабақшасы қолданысқа беріліп, салтанатты түрде ашылды.
Жаңадан ашылған «Асыл шәкірт» балабақшасы 65 орынға арналған, педагог, кіші қамту қызметкері секілді жиыны 15 адамды тұрақты жұмыспен қамтып отыр. Яғни, балабақша біріншіден, тәрбие орны десек, екіншіден, жұмыс орнын ұсынып отырған маңызды әлеуметтік нысандардың қатарында екенін атап айтуға болады.
«Ауылымызда көпбалалы жас отбасылар аз емес. Қаладан туған өңірге оралып жатқан жастар да жетерлік. Осының бәрін ескере келе, балабақша ашу жөнінде ұйғарымға келдік те іске кірістік. Міне, діттеген мақсатымызға жеттік. Бұл үш қабатты ғимараттың жалпы аумағы 1400 шаршы метрді құрайды. Жоспар бойынша екінші қабаттан балаларға арналған кафе, спорт зал, үйірме орталықтары болады. Ал, бірінші қабат түгелдей балабақшаға арналған» - дейді «Асыл шәкірт» балабақшасының құрылтайшысы Саят Тұрсынұлы.
#Ақсуат
#Асылшәкірт