Еңбекақы уақытылы төленуі тиіс. Мекемелерде еңбек қауіпсіздігі сақталуы міндет. Бірақ, аталған заңдылықтар сақталмай, салғырт қарау деректері де орын алып жатады. Облыс әкімдігінде өткен мәжілісте бейқам басшыларға ескерту берілді.
Облыстық бақылау жөніндегі басқарма аймақтағы кәсіпорындарда еңбек қауіпсіздігі мен еңбек заңдылығының сақталуы бойынша тексеру жүргізген. Осы жылдың бірінші тоқсанында еңбек қатынастары бойынша 321 өтініш қаралған. 60 өтініш бойынша тексеру жүргізілген, 58 бұзушылық анықталып, 47 нұсқама берілген. 11,4 млн теңге көлемінде 137 айыппұл салынған. Еңбек қауіпсіздігі мәселесінде қалт кеткен тұстар Аралтұз және КРЭК мекемелерінде орын алған.
ҒАНИЖАН ҚАЛИЕВ - ОБЛЫСТЫҚ БАҚЫЛАУ ЖӨНІНДЕГІ БАСҚАРМА БАСШЫСЫ
Аралтұз демекші, ол экономика драйвері әрі экспортқа мол өнім шығаратын кәсіпорын ретінде әлемге әйгілі. Басқа-басқа, тұзсыз тіршілік жоқ, яғни Аралтұздың өнімі әркез сұраныста деген сөз. Солай бола тұра, бұл кәсіпорын жұмысшыларының жалақысын жиі кешіктіретін әрі айлық көтеруге келгенде кенжелеп қалатын мекеме екен.
НҰРЛЫБЕК НӘЛІБАЕВ - ОБЛЫС ӘКІМІ
Ылғи айлықты кешіктіріп, қарызы басынан асатын және бір мекеме ол - Қызылорда су жүйесі. Әлеуметтік желі бетінде жұмыскерлері шырылдап шағым айтып жатады.
Жалақыны уақытылы төлеуден бөлек, оны көтеру мәселесі де өзекті. Өткенде және бір мекеме жұмыскерлері талап қойып, үндеу жасағаны жұрттың есінде.
Бұл ретте, ең маңыздысы - қарапайым жұмысшылардың жалақысын көтеру және уақытылы төлеу. Қысы-жазы, тәуліктің қай мезгілінде де жұмыс орнынан табылатын жандардың еңбегі лайықты бағалануы міндетті,- деді аймақ басшысы. «Кісі ақысын көйлегінің тері кепкенше бер» дейтін атам қазақтың әділ ұстанымы бүгінгі жұмыс берушілердің басты қағидаты болса қанекей!
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv