ગુજરાતીઓમાં એવી માનસિકતા જાણે ઘર કરી ગઈ છે કે અમેરિકા પહોંચ્યા બાદ જિંદગીમાં કોઈ દુ:ખ નથી રહેતું, અને આવનારી પેઢીઓની પણ લાઈફ સુધરી જાય છે. અમેરિકા જઈને સફળ થનારા એકલ-દોકલ લોકોની સ્ટોરીઓ સાંભળીને બીજા કેટલાય લોકો ગમે તેમ કરીને અમેરિકા જવા લલચાય છે અને ત્યાં પહોંચી તેમને પોતાનાથી જિંદગીની સૌથી મોટી ભૂલ થઈ ગઈ હોવાનો અહેસાસ થાય છે. અમદાવાદમાં પોતાનો બિઝનેસ ચલાવતા અને મહિને 70-80 હજાર રૂપિયા આરામથી કમાઈ લેતા રાણીપના એક યુવક સાથે પણ કંઈક આવું જ થયું છે. નીતિન નામનો આ યુવક સપ્ટેમ્બર 2023માં ઈલીગલી અમેરિકા પહોંચ્યો હતો, જેના માટે તેણે એજન્ટને 80 લાખ રૂપિયા ચૂકવ્યા હતા. નીતિનની ગણતરી પોતે અમેરિકા સેટલ થઈ જાય ત્યારબાદ પત્ની અને દીકરાને પણ પોતાની પાસે બોલાવી લેવાની હતી, પરંતુ અમેરિકામાં તેને જીવતેજીવ જાણે નર્કનો અહેસાસ થઈ ગયો છે. નીતિને અમેરિકા પહોંચવા માટે ખર્ચેલા 80 લાખ રૂપિયા મહિને એક ટકા વ્યાજે લીધા હતા, જેનું હાલ તેને વ્યાજ ભરવાની સાથે મુદ્દલ પૂરી કરવા માટે દિવસના 18 કલાક કાળી મજૂરી કરવાનો વારો આવ્યો છે.
જુઓ અમારી વેબસાઈટ: www.iamgujarat...
વધુ વિડીયો જોવા માટે ક્લિક કરો: gujarati.times...
IamGujarat સાથે વોટ્સએપ પર જોડાઓ: chat.whatsapp....