Рет қаралды 72,329
Жамбыл облысында жүзге жуық такси жүргізушісі полицейлер мен шенеуніктердің жұмыс істетпей жатқанына қарсы. Айтуларынша, автобекет басшысы жергілікті билікке арыз жазуды әдетке айналдырған. Ал полицейлер көлігі қозғала қалса, тоқтатып айыппұл салады екен. Сондықтан олар, әкімдік өкілдерінен ешкім қудаламайтын такси тұрағын тауып берсін деп талап қойып отыр. Шенеуніктер жүргізушілердің талабы орынсыз дейді. Өйткені олардың басым бөлігінде кісі тасымалдауға қажетті рұқсат қағазы жоқ.
Автобекетке жиналып, талаптарын айтқан такси жүргізушілері қазір кісі тасымалдаудың өзі мұңға айналды деп отыр. Өйткені, бекет басшысы жергілікті билік пен полицейлерге арыз жазып, жұмыс істеуге мүмкіндік бермей отыр екен. Айтуларынша, 4-5 адамын жинап, қозғала қалса, полицейлер ұстап алады. Сөйтіп, бірден айыппұл салатын көрінеді.
Такси жүргізушілері «автобекет басшысы бізбен де келісімшартқа отырсын, болмаса бекет ішінен арнайы орын бөліп берсін» деп талап қойды. Себебі бүтін бір отбасыны асырап отырған жалғыз жұмыстары осы. Ал облыс орталығында бұл бекеттен басқа қалааралық бағытта қатынауға арналған сапаржай жоқ. Қазір мұнда 250-ге жуық такси тұр. Автобекет басшысы жүргізушілерге беретін қосымша тұрақ жоқ дейді. Сондай-ақ, ел қашықтан жұмыс істеп оқитын болған соң, қалааралық қатынас та азайған.
МАРАТ АЙМАҒАНБЕТОВ, «Тараз» автобекетінің директоры:
- 4 жыл бұрын 20-30 көлік тек кешкісін ғана келіп жұмыс істейтін. Ал қазір 250 көлік жүр. Көбісі Қырғыз, Армян көліктері. Олар да жұмыс сұрап келеді. Егер барлық құжаттары дұрыс болса, кешкі алтыдан кейін жүре берсін. Ал біз тек заң аясында жұмыс істейміз. Салық төлейміз.
Әкімдік өкілдері такси жүргізушілерінің талабы орынсыз деп отыр. Айтуларынша, олардың басым бөлігінде кісі тасымалдауға қажетті рұқсат қағазы жоқ. Такси жүргізушілері де заңсыз жұмыс істеп жатқандығын біледі. Сол үшін билік өкілдерінен ешкім қудаламайтын такси тұрағы мен құжаттарын рәсімдеуге уақыт сұрап отыр.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Тараз #такси #автобекеттегі_жұмыс