Рет қаралды 151,205
Алматы облысының Панфилов аудандық перзентханасында тағы да ана мен бала көз жұмды. Бар болғаны 24 жастағы Жанар Баратова үшінші баласын босануы тиіс болған. Бірақ Жаркенттегі перзентханадан оның сәбиі мен өзінің мүрдесі шықты. Бір апта бұрын сәбиді жерлеген отбасы, бүгін Жанарды жер қойнына тапсырды.
Айналдырған 12 күннің ішінде Жанардан айырылып қаламыз деп ешбір етжақыны ойламапты. Жанар 12 күн бұрын ғана іші ауырып, инфекциялық ауруханаға түскен. Бірақ ай күні толған әйелге бір күнде тоғыз система салып, денсаулығын күрт нашарлатты, - дейді марқұмның жолдасы.
БЕЙІМБЕТ МҰРАТ, Марқұм Жанар Баратованың жолдасы:
- Инфекционныйға жатқызып тастайды, сол жатқызып тастаған күні 9 система салады. 9 системаны әйелім көтере алмай, ауырып, роддомға түседі. Ол кезде ай күні толып тұрған кез. Роддомға бір мен үштің арасында түскен. Түнгі сағат он екіге дейін оған ешқандай дәрігер көз қырын салмаған. 12 ден отыз минут кеткенде әйелімнің жатырынан суы кетіп, баланың жүрегі тоқтаған.
Баласынан айырылған Жанардан қан тоқтамаған соң ешбір туысының рұқсатынсыз дәрігерлер әйелдің жатырын алып тастапты. Бірақ бұл отадан кейін де қан тоқтамаған. Тіпті ешбір сақтау талабын білмесем де, Алматыдағы қан орталығынан қан тасыдым дейді марқұмның жолдасы. Туыстарының сөзінше, асқазандағы жара жарылды дегенімен сараптама оны да жоққа шығарған.
БЕЙІМБЕТ МҰРАТ, Марқұм Жанар Баратованың жолдасы:
- Ал экспертизаның айтуы бойынша, асқазанда ештеңе жоқ. Даже жара жоқ.
Ал дәрігер Жанардың өліміне қан кету себеп болды дейді.
ГАУҺАР БАЙДАХАНОВА, "Панфилов ауданаралық көп салалы ауруханасы" КМК директорының орынбасары:
- Несінен қан кетті асқазанынан, ішінен. Қан кету ковидке де байланысты болуы мүмкін.
Қара жамылған жанұя егер Жанар коронавирустан қайтыс болса неге арнайы санитарлық талап бойынша жерленбеді дейді? Мұсылманша жер қойнына тапсырдық деген отбасы Жаркенттегі перзентханадағылар ақша алмаса қарамайды деп күйінеді. Міне дәлеліміз деп дәрігердің бетіне басты.
Біздің түсірілім тобы Панфилов ауданына келді дегенді естіген тұрғындар аурухананың алдына өздері келіп, бастарынан перзентханада өткізген түрлі жайттар жайлы айтты. Барлығының тілеуі бір. Ана мен бала өмірін саудалайтындар заң алдында жауап беруін талап етеді.
.
.
.
.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#ауыр_қаза #перзентхана