Рет қаралды 21,220
"Әкімдер айтқан көмектің бәрі беріліп жатқан жоқ". Байзақтағы әскери қоймадағы жарылыс кезінде қайтыс болған азаматтардың жақындары, марқұмдардың отбасына берілетін көмек - тек ауызша ғана айтылып тұр, әлі ешқандай қаражат түспеді дейді. Марқұмдардың туыстары бір жарым аптадан бері қандай құжат жинап, оны қайда өткізерін білмей, ділгіріп отыр.
БЕКСҰЛТАН ӘЗІМБАЕВ, Әлібидің әкесі:
- Арыстанға шыбықпен жіберген сияқты, жоқ қылды ғой. Отставкаға кету оңай нәрсе, Қорғаныс министрі деген қорғауы керек емес пе. Отставкаға кеткен деген не ол.
Байзақтағы жарылыс кезінде қаза тапқан ең жас өрт сөндіруші Әліби Кеңестің әкесі, қаншама жастың өмірін қыршынынан қиған жағдайға қатысты экс министрден бастап, жауапқа тартылсын, дейді. Әлібидің анасы, ұлым сол күні жұмысында кезекшілікте қалуы керек болған екен, «өрт өз ауданымызда дегенді естіп, орнына басқа адамды қойып, жарылыс болған жаққа кетіпті. Төрт қарындасының қорғаны болған азаматым көп арманын өзімен бірге алып кетті», - деп егіліп отыр.
ГҮЛМИРА БАЙДЫБЕКОВА, Әлібидің анасы:
- Жоспарлары көп еді. Үй бастаймыз деп папасы екеуі. Үй көтереміз деп, үйленемін деп. Қызы да бар еді өзімен жасты.
Бір ақ күнде қаншама адамның өмірін жалмаған жарылыс - өрт сөндіруші Жәнібек Тұрмановты да үйлі болғысы келген арманына жеткізбеді. Жас отбасы жалдамалы пәтерде тұрып келген, күйеуі қайтыс болғандықтан келіншегі балаларын алып, Нұр-Сұлтанға көшкелі жатыр. Жәнібектің ағасы, марқұмдардың отбасына бөлінетін өтемақы туралы әзірге тек ауызша ғана айтылып жатқанын айтты.
НҰРСҰЛТАН ИСМАИЛОВ, Жәнібек Тұрмановтың ағасы:
- Көмектесеміз деп жатыр. Бірақ жазбаша дәлел жоқ. Қандай да бір өтемақы болатыны туралы ауызша ғана айтады. Жалпы, өз өмірлерін қауіпке тігіп, адамдарды құтқаратын өрт сөндірушілердің айлығының мардымсыздығын да айтқым келеді. Көтеру керек. Кіші сержант 70-150. Офицерлер 150-ден жоғары. Зейнетақы жинағы да оларда жоқ.
Жарылыс кезінде қайтыс болған бірқатар азаматтың туыстары редакциямызға хабарласты. Олар телеарналарда әкімдер айтып жатқан көмек түгел дерлік көрсетіліп жатқан жоқ, - дейді. Марқұмдардың балаларына тағайындалған жәрдемақы өздері айтқандай емес, мардымсыз, ал, берілетін 15 млн теңге өтемақы үшін қажет құжатты қайда өткізерін білмей дал. Өйткені, Халыққа қызмет көрсету орталығы төлем орталығына, ол орталық кері қайтарып, әуреге салған. Себебі ондағылар бұл төлемді берудің тәртібін білмейді. Жергілікті әкімдік, 10 млн республикалық, 5 млн жергілікті бюджеттен беріледі, ақша екі-күнде аударылады, -деді. Ақша шотқа түскен күннің өзінде бірден ала алмайды. Алдымен мұрагерлері анықталуы қажет. Сосын ғана шеше алады, деді.
Ирина Советжанқызы, Думан Сүлейменов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Жамбыл #Байзақ #жарылыс #салдар #халыққа_көмек