🙏🏻นวพล พรมเลิศ เนื้อร้อง “ผญา” บัดนี้ ข้าจักชักชาติท้าวปางก่อนทัวระมาน ในวัฏสงสารเทียวส่งเวรใช้ กรรมเถิงไท้ทั้งสามไลจาก ห่างแห่งห้องเมืองกว้างย่านไกล ปางนั้น บัวฮมท้าวตรัสสั่งเสนา ไทขุนเอ้ยให้แต่งดีดาล้วน สวนไลพร้อมนนตรีตุริเยศ นางกะสิงไทโขนฟายเหลื่อมแกว่งแพน แสนส่ำม้าอนันเนกพลายสาร ทิวทุงทวนแห่แหนเหินหน้า ข้าจักไปฮับเจ้าบัวฮองคืนคอบ บัวเฮียวนั้นมาพร้อมพร่ำกัน บรบวรแล้วออกจากเวียงวัง แซวแซวเขาแห่พระองค์โยงย้าย อึงคนึงฮ้องแซวเสียงดาสนั่น ฝูงพวกพร้อม สัวเข้าอุททิยาน “ลำเกริ่น” แต่นั้น ศรีจันทาน้อยยอพระกรป่อนสลับ นางกะทวยมือจับโจมเอาบ่มีซ้า นงนางหล่าปดไหมคำซุกเซี่ยง แล้วเล่าถิ่มใส่ด้นไฟไหม้หมุ่นผง เหมิดว่าลงเสียเสี่ยงไสยเวทย์มนต์ยำ นกแลคำกะกลับกลาย เป็นสองซายผู้งามโก้ “เดินกลอน” นกก็คืนเป็นท้าว บาบ่าวผุดผาด สมสะอาดเพศเพี้ยง งามเสี่ยงคนบ่เทียม อันว่าตาเคียมคิ้ว เคียมคิ้ว กะงามเกิ่งเทพา โสมบุญบากะดังอินตาแต้ม มุขังหน้าบาคานใสส่อง จั่งว่าผิวผ่องเหลื้อมอินทร์แต้มหล่อโสม แอวกลมส่วยคีงบางเนื้อกาบ นิ้วส่วยงามซาบลาบเสมอเพี้ยงดั่งเทียน สมอินทร์เสี่ยนบาคานงามยิ่ง หลิงดูปิ่งซิ่งหน้าเสมอเพี้ยงเดือนเพ็ญ สอยวอยสุดกะดังคำเลียงไว้ เหมือนดั่งเทพะดาไท้ หมู่แถนไท้ เมืองบนลงลอด เจ้าผู้ออดหลอดเนื้อเสมอดั่งเทียนทอง ทังบัวฮมบัวฮองกะดั่งอินทร์ตองแต้ม ยามเมื่อไขปากแย้ม เอ่ยปากแย้ม ฟังม่วนบ่มีเปิด เหมิดแต่ในโลกใต้หาได้แม่นบ่มี ศรีสำอางค์ท้าวทงผ้าค่าแสน สุบใส่แหวนทำมะโรงสอดองคุลีนิ้ว สังวาลย์ริ้วเลียนลายน้อยใหญ่ สายสะเองฮัดไว้แอวเอ้กิ่วงาม สามบาท้าวยัวระยาดลีลา เทิงนางนาฏสุชาดา กะลีลามาลงฟ้อน “ขับเชียงขวาง” โอนอ พอเมื่อท้าวคืนกาย เขาก็ย้ายลีลา ทอดถวยเทียนบุญบา ฮ้องขวัญว่ามาเยอ ตกแต่งเต้าข่วงเพียงนั่งเฮียงเลียนซะล้าย ทังยีงซายน้อยหนุ่มซุมแซงพลนิกร นั่งซะลอนนบนิ้วดีแล้วสิได้ว่า โอนอ ว่ามาเยอขวัญศรีแก้วสองพระองค์กษัตริย์ไท้ ขวัญเจ้าไปซมไพรอยู่ดงพงพนา มาเยอมา ฮีบมา ขวัญบามาเฮียงคู่ คืนมาอยู่เนาห้องโฮงทองว่าเนาซ้อน คืนมาเนาอิงหมอน ฮ่วมปรางค์ผาสาทคำ โอนอ มาเยอขวัญมือพร้อม ขวัญตีนอันย้ายย่าง มาเยอขวัญนิ้วนาง ขวัญคางและขวัญไหล่ ขวัญเจ้าไปทางได๋ ขวัญใจให้คืนมา ทังขวัญตา ขวัญตีน ขวัญคีงให้อยู่ดี ขวัญเกศีเกษเกล้า ขวัญเค้าให้คืนมา โอนอ ขอเจ้าจงอยู่ดี อย่าสุมีโภยต้อง ให้เจ้าใสฮองฮองหายฮ้อนอยู่สเบย อยู่เสวยทงแท่นแดนทองนครใหญ่ สิทธิไซ ซะโยน้อม เขาก็ล้อมลีลา ถวยเทียนทองสองบา ยอหัตถาประนมนิ้ว โอนอ คื่นคื่นก้องเสียงกลองดังม่วนมี่ เสียงนนตรีพาทย์พิณย์ยลยินว่าคับค่าย ยีงและซาบปีบฮ้องแอ่นสะหลองนวยนาย แอะแอ่นย้ายลีลา แซวแซวดาสนั่น ก็พากัน ฟ้อนแอ่น แกว่งแพนประสงค์ซู้ ฟ้อนเป็นคู่ยีงซาย ยัวระยายลงลีลา โอนอ สาวบ่าวพร้อมจาจื้น ยื่นผญาคำหวาน บางพ่องมีคำต้าน สวยเสียดว่าใส่ใย บางพ่องไล่ดึงผ้าสาวงามมาดึงแย่ง บางพ่องแจงจับซายสนุกหลิ้นม่วนงัน ดาสนั่นอึงคะนึง บีบบายทั้งย่องคั้น สนุกงันม่วนเมา ม่วนบ่เซากะปางนั้น โอนอ โยติกาบทฮ้อง บัวฮองบอระบวน ฮอดสมมาพาควร สิลาลงแต่ท่อนี้ ขออยู่ดีเด้อท่าน บทประพันธ์สิเขียนลา ให้ยืนหมั่นพันวะสาโรคาบ่มาต้อง อยู่สบายหายฮ้อน ซื่นกะใจบ่ม้างม่าย ยีงและซายถ้วนหน้าสิขอลาลงก่อนเดอ สิขอลาลงก่อนเดอ....

ท่อนไทพวน ตำหัวใจ น้ำตาพังหย่าว มักหลายย ♥️

จังหวะไทพวนมาตำใจคักแท้ น้ำตาไหล ประทับใจอีกแล้ว เลาเฮ็ดดีคักเด้อ เสียงกลองขึ้นตึ้มแรกบ่ต้องสืบเลย ว่าไผทำเพลง ประทับใจๆๆที่สุดถึงที่สุด

สะออนหลายลายไทพวนพุ้น แต้มเป็นโสมลายดนตรีฟ้อน มักหลายยอมนำบ่เห็นไผ๋เฮ็ดลายกนตรีทางพี้โดนโพด ม่วนๆ❤️❤️

รอเพลงนี้ มา 3 เดือน ขอบคุณที่ลงให้ฟังคับ ชอบสุดนาทีที่ 10.00

ชื่นชอบหลายทำนองลาวพวน❤️❤️

โอ้ย​ 1วันฟังไม่ตํ่ากว่า5รอบ​ จนแม่รำได้​ เพราะมาก​

ฟังเเล้วฟังอีกสนุกมาก อยากเห็นคนร้องจังเลย

ขอ้ยเป็นคนลาวใต้สำเนียงพาสาคา้ยกันเลีย มว่นฯจ้าา

อะไรจะร้องได้ไพเราะขนาดนี้

อยากเห็นคนร้อง.. โอ๊ยย.ขนลุก. ม่วนหลาย.

น้อยมากนะครับที่จะเอาทำนองไทพวนมาร้อง ชอบมากกกกกครับ💓💓💓💓

ชอบ 5:40 เป็นต้นไป

เพลงที่รอคอยก็มาแล้ว

ม่วนหลายๆๆออนซอนหลายๆๆ #มรดกควรสืบสานอย่างยิ่ง

ไพเราะ ขนลุก อยากกลับไปเป็นน้องใหม่อีกครั้ง 😊

ม่วนคักมักแฮง ไทพวนกะมา ยอมอิหลีเด้อ55❤️❤️❤️❤️❤️

ชอบคำร้อง เหมือนกำลังอ่านวรรณกรรมใบลานให้ฟัง

ที่สืบสานอนุรักษ์ทำนองเพลงของประเทศไทยร้องได้ไพเราะมากๆๆค่ะ ฟังแล้วมีพลังมนต์ขลังมากๆๆค่ะ

รักเลย😘💘💓อยากได้เนื้อร้องจัง

ฟังแล้วขนลุก มากครับ ฟังแล้วให้ความรู้สึกเหมือนดูรำวงในวัด สมัยเก่าก่อนเลยครับ ติดตามครับ

ติมตามผลงานตลอดครับ ชอบมากๆ

รักเพลงนี้♥♥

ชอบมากครับ

เวลา 5:45 เอาการลำแบบลาวพวนมาขับร้องสุดสอดครับสุมื้อนี้แทบบ่มีให้เห็นให้ฟัง ยอมรับผู้รังสรรค์ผลงานครับ

ม่วนหลายจ้ะ

ไพเราะมากค่ะ 💕💕💕

ฟังเเล้วอยากดูการเเสดงเลยอะ😅❤️

ออนซอนหลายค่า ฮักแพง ซุกยู้เฮ้อเอ็ดเพลงดีๆ มาเฮ้อเฮาฟังอีกมื้อเหม่อเน่อค่า

ขออนุญาตนำบทเพลงนี้ไปสอนเด็กๆรำงานเกษียนและเป็นวิทยาทานด้วยนะครับ

เพราะมากๆค่ะ ขอบคุณมากๆๆค่ะ

ม่วนคักเด้อฮ้องไห้นำ บ่ได้ยินทำนองพวนมานานและกะบ่ค่อยมีคนทำชื่นชมจริงๆคะ

เพลงมาแล้ว ❤️❤️❤️

สะออนคักแม่เอ๋ยพ่อเอ๋ย

ม่วนอีหลีครับ

ที่สุดแห่งวัฒนธรรมอีสานยกให้ มมส.

ท่อนไทพวนขนลุกกก

งดงามมากทั้งบทกลอนและดนตรี

รอเพลงเต็มมาบักหลายเดือน

สามารถติดต่อเจ้าของผลงานได้ทางไหนครับพี่แอดมินพอดีอยากจะขออณุญาตินำเพลงไปใช่ในการแสดง

ท่อนขับลำพวน เพราะมาก

ม่วนหลายมักๆลงโตคัก รื้อฟื้นวรรณกรรมลาว อีสานขึ้นมา มักแฮงบ่ค่อยได้ยินเรื่องนี้

ม่วนรื่นหู

เพราะมากเลยค่ะ

ขับเซียงขวงม่วนคักอิหลี หัวก่อเคยได้งินวรรณกรรมเรื่องนี้

จังหวะลาวพวนแบบนี้เลยครับท่อนจังหวะสับมาก เชื้อสายผมก็คนลาวพวนครับ

รู้แล้วกับบ้านเรา

อยากได้เนื้อร้อง

🙏🙏🙏🙏🙏🙏🙏🙏🙏

น่าจะมีเนื้อร้องลงด้วย

3:50

คิดถึง มมส. #มฤมาศ8

ขออนุญาตนำเพลงให้น้องๆไปทำการแสดงวัน เกษียณ น่ะคับ

อยากได้เนื้อเพลงครับ อยากฝึกร้อง555

อธิบายคำว่า บัวฮม ให้แหน่จ้า

10:00

5:40

พี่ครับ ถ้ามีความประสงค์ที่จะนำเพลงนี้ไปใช้ในการรำรับน้องของ ร.ร. ได้ไหมครับ เพราะเนื้อเพลงมีท่อนร้องที่เรียกขวัญครับ ผมเป็นประธานนักเรียนครับต้องหาเพลงครับ ให้น้องๆที่มาใหม่ประมาณห้าร้อยคนได้ เว้นระยะห่าง แล้วจะมีนางรำรำรอบๆวนๆน้องๆในกลางสนามครับ

เพลงนี้ใช้แสดงงานไหนครับ ผมพลาดอะไรรึเปล่า

แสดงวันที่เท่าไหร่ครับ

5:17 👍🏻

ทุกชุดมีความสมบูรณ์ที่สุดจริงๆหาที่ติไม่มีเลย

ผลงานรุ่นได๋ครับนิ่(รุ่นรหัสสองตัวหน้ากะพอ)

ขออนุญาตินำไปประกอบคลิปเน้อครับ

เสียงไพรเรอะมากครับ

จะมีแบบท่ารำไหมคะ

แบบมีท่ารำนะครับ kzfaq.info/get/bejne/jr9ldrt-lbfRf30.html

ท่อนวาทไทพวน เข้าขี้ฟ่าลิบ

ผมเองก้อเพิ่งเคยได้ยินทำนองคล้ายๆผาแดงนางไอ่เลยคนแต่งนี่สุดยอดมากเลย