2015/12/11 Altzo
Harituz Bertsozale Taldeak antolatuta II. BERTSO JARRIEN GAUA
Sarri joaten ginen
Umetan parkera
Lau hostoko hirusta
Bilatze aldera.
Baina zalantza daukat
Ta hau da galdera:
Lau hostoko hirusta
HIRUsta ote da?
Ispilu apurtuak
Ditu mila zati
Ederrena no ote?
Galdera aitzaki
Begiratzeak zorte
Kazkarra dakarki
Amaorde gaiztoak
Ondo asko daki.
Eskolara korrika
Doanak presaka
Plast! Zapaldu lezake
Zakurraren kaka.
Hori egiten duna
Zortekoa da ta
Irrbarre batekin
Garbitu zapata.
Urte mugan pastela
Kandelez argiztu
Putz! Ta itzali ditu
Haize eta lixtu.
Hala egiten direla
Genuen sinistu
Kandelak itzali ta
Desioak piztu.
Ikatza bezain beltza
Kaleko katua
Labana bezain zorrotz
Du begiratua
Zorte txarrez urratu
Lezake patua.
Zazpi biziko pizti
Madarikatua!
Gau oskarbi batean
Begira zerura
Izar uxoek piztu
Dute ortzimuga.
Bat piztean pentsatu
Amesten den hura
baina pentsatu baino
lehen itzaldu da.
Izorratu da gure
Salako lanpara
Ta aita holakotan
Artixta hutsa da.
Zorte txarretik ihes
Ibiltzen bazara
Etzazula azpitik
Pasa eskilara.
Ez eskilara azpian
Ez katu beltzean
Ez ispilu hautsian
Ez tarta ertzean
Ez hirustetan ta ez
Mokordo hezean,
Zorterik hemen ez da
Bilatu ezean.