Рет қаралды 16,524
ချင်းမိုင်မြို့လေးဟာ ထိုင်းနိုင်ငံမှာ ကမ္ဘာလှည့်ခရီးသွားတွေ သွားချင်စိတ်ပြင်းပြတဲ့ သိပ်လှတဲ့မြို့လေးပါ။ ဒီမြို့လေးဆီကို ဘန်ကောက်ကနေ သွားလို့ရတဲ့ နည်းတွေများစွာထဲက အိပ်စင်ပါတဲ့ ရထားလေးနဲ့ သွားရတာကို အတော်များများ နှစ်သက်ကြပါတယ်။ လေယာဉ်ဈေးနဲ့ အတူတူလောက်ဖြစ်ပေမဲ့ ဒီအိပ်စင်ရထားနဲ့ ဘာကြောင့်သွားဖို့စိတ်ဝင်စားနေကြသလဲ သိရဖို့ ကျွန်တော်ကိုယ်တိုင်လည်း ဒီတစ်ခါ ချင်းမိုင်ကို သွားလည်တဲ့အခါ အိပ်စင်ရထားလေး စီးနင်းဖြစ်ပါတယ်။
.
၁၀ ရက်လောက်ကြိုတင်ဘိုကင်ယူတာတောင် လိုချင်တဲ့အိပ်စင်မရတတ်လို့ ဒီလို ရထားနဲ့ ခရီးသွားမယ်ဆို တစ်လလောက်ကြိုတင်ပြင်ဆင်ထားဖို့ လိုအပ်ပါတယ်။ 12Go ကနေ အွန်လိုင်း လက်မှတ်ဝယ်လို့ရသလို၊ Bang Sue ဘူတာကြီးမှာလည်း သွားရောက်ဝယ်ယူနိုင်ပါသေးတယ်။
.
အိပ်စင်ရထားတွေထဲမှာမှ ညနေ ၆း၃၀ ဝန်းကျင်ထွက်တဲ့ #9 ရထားကို ရွေးချယ်စီးနင်းမှု အများဆုံး ဖြစ်ပါတယ်။ မနက် ၇း၃၀ ခန့်ဆို ချင်းမိုင်ကို ရောက်ပါတယ်။ ညစာ နဲ့ မနက်စာ ကို ရထားက စားသောက်ဆိုင်ဝန်ထမ်းတွေ အော်ဒါလာကောက်တဲ့အခါ ဝယ်စားနိုင်ပါတယ်။
.
စိတ်ဝင်စားဖို့ကောင်းတဲ့ ဘန်ကောက် - ချင်းမိုင် အိပ်စင်ရထားအကြောင်းကို ဗီဒီယိုကနေ တဆင့် ဝေမျှပေးလိုက်ပါတယ်ခင်ဗျာ....
.
အားလုံးပဲ အစဉ်ဘေးကင်းကျန်းမာလို့ စိတ်ချမ်းမြေ့ကြပါစေ...
သီဟလုလင် (Thiha, the Traveller)