Ат ауыздығымен су ішіп, ер етігімен су кешкен заманда жауға қарсы шығып, елін, жерін қорғаған айбарлы да айбынды, ержүрек қаһармандарымыз қаншама?! Осындай батыр болмысты, қайсар рухты тұлғалардың қатарында біздің әкеміз Дәрібаев Бағыт Серікұлы да бар. Оның кіндік қаны тамған мекені - бұрынғы Гурьев облысы Кеңөзек ауылдық кеңесі, Алғабас колхозы. 1923 жылы осы жерде шыр етіп дүние есігін ашқан ол ғұмырының соңына дейін солтуған өлкенің алғаш жұтқан ауасы мен маңдайынан сүйген күннің шұғыласын, табаны тиген топырақты қастерлеп өткен жан. Ерлік, һәм қаһармандықпен өрілген өмір жолының өзі - тұнып тұрған өнеге! Топ-топ баламен түз тозаңын төбеге көтеріп, асыр салып жүрген ерке балғын ес білгеннен-ақ отбасылық құндылықтарды бойына сіңіріп өсті. Әкесі Серік Дәрібайұлы жазда балық аулап, қыста қамыс шауып, колхозда еңбек еткен қарапайым шаруа адамы. Ал, анасы Сәби Байжанқызы бала тәрбиесімен, үй шаруасымен айналысты. Отбасында ағасы Ұлыяр, қарындасы Балхия және інісі Кенжебай есімді бауырлары болды. 1930-38 жылдары 8 жылдық мектепте оқып, колхозда жастайынан еңбек етті. 1941 жылы Ұлы Отан соғысы басталғанда әкеміз небары 18 жаста болатын...
#ескеалу #Фильм #Асберу #қазақша #видеомонтаж