საქართველოს კუდოს ფედერაციის პრეზიდენტმა, დავით ხახუტაშვილმა ევროპის ჩემპიონები, პრიზიორები და მათი მწვრთნელები ფულადი პრემიით დააჯილდოვა;
🥋საქართველოს კუდოს ფედერაციის პრეზიდენტთან შეხვედრას, სპორტსმენებთან და მწვრთნელებთან ერთად, საქართველოს კუდოს ფედერაციის ვიცე-პრეზიდენტი ალექსი ფილფანი და საქართველოს კუდოს ფედერაციის მთავარი ინსტრუქტორი დავით ყოლბაია დაესწრნენ;
🥇შეხვედრაზე 2023 წელს მიღწეული წარმატებები განიხილეს და სამომავლო გეგმებზე ისაუბრეს;
👏დავით ხახუტაშვილმა კუდოისტებს, მწვრთნელებსა და ფედერაციის წარმომადგენლებს მადლობა გადაუხადა 2023 წელს მიღწეული წარმატებისთვის;
🇬🇪შეგახსენებთ, ევროპის ჩემპიონატზე საქართველოდან ექვსმა სპორტსმენმა იასპარეზა და ექვსივემ მედალი მოიპოვა, (5ოქრო, 1 ბრინჯაო);
🥇🥇ევროპის ჩემპიონები ლევან დარასელია (უფროსები, კატეგორია -230), გიორგი ჟვანია (U19, კატეგორია - 240), თორნიკე კურტანიძე (U19, კატეგორია - 230), სედრაკ კარაპეტიანი (U19 კატეგორია - 260), და ვასილ დვალაძე (U19, კატეგორია -270) გახდნენ, რომეო გაბლაიამ (უფროსები, კატეგორია -260) კი ბრინჯაოს მედალი დაისაკუთრა;
🥋ევროპის ჩემპიონებთან და პრიზიორთან ერთად ასევე ფულადი პრემია გადეცათ მათ მწვრთნელებს, დავით დუშუაშვილს, გელა კახიშვილს, ირაკლი პაპავას და მამუკა შონიას;
🥇🏆2023 წელი საქართველოს კუდოს ფედერაციისთვის განსაკუთრებით წარმატებული აღმოჩნდა, ევროპის ჩემპიონატზე ლევან დარასელიამ უფროსებს შორის საქართველოს პირველი ოქროს მედალი მოუტანა, მსოფლიოს ჩემპიონატზე ჩვენმა ნაკრებმა ექვსი მედალი მოიპოვა, რაც ისტორიული შედეგია, (2 ოქრო, 2 ვერცხლი, 2 ბრინჯაო).