Uzman Doktor Emil Yusifov
Tel: 077 331 10 08
Facebook: / emilyusifovcom
İnstaqram: dremilyusifov
İnsanın var olduğu tarixdən bəri insanı daima müşayiət edən baş ağrısı, bu gün 80%-dan çox insanlar tərəfindən səslənən ən çox rast gəlinən tibbi şikayətdir. Baş ağrısının səbəblərindən biri göz ilə bağlı problemlərdir. Baş ağrısından şikayət edən xəstələr tez-tez başqa həkimin göstərişi ilə oftalmoloqa baş çəkir. Neyrooftalmologiya, göz xəstəlikləri ilə bağlı baş ağrılarını, görmə və sinir sisteminin ortaq pozğunluqlarını müalicə edən elm sahəsidir.
Bir cismi görə bilmək üçün, bu cismin təsvirini əvvəlcə göz, sonra isə, beyinin arxa hissəsində yerləşən görmə sahəsi qavramalıdır. Əgər görmə yollarında bir problem yaranarsa, görmə qabiliyyətinin qəfil və ya sürətli itkisi baş verə bilər. Göz hərəkəti ilə bağlı xəstəliklərdə, ikili görmə əsas əlamətdir, problem göz əzələləri, sinirlər və ya beyinin idarəetmə mərkəzləri ilə bağlı ola bilər. Müvəqqəti görmə, ikili görmə, gözəgörünmə, yuxarı göz qapağının pitozu, göz bəbəyinin ölçülərində fərq kimi xəstəliklərdən əziyyət çəkən insanlar neyrooftalmologiya sahəsində çalışan mütəxəssislərə baş çəkməlidirlər. Baş və göz ağrılarının dəqiq müayinəsi üçün xəstə tarixçəsinin olması çox vacibdir. Müalicənin uğurlu gedişatı həkim və xəstə arasında əməkdaşlıqdan və davamlı müşahidələrdən asılıdır.