Bir çox insanın zaman-zaman ortaq göz problemləri mövcud olur. Bunlardan biri də göz önündə uçan nöqtələrdir.
-Bəs buna nə səbəb olur?
-Bu ciddi bir xəstəliyin xəbərçisidirmi?
-Müalicəsi varmı?
Aşağıdakı linklərə daxil olaraq məni digər sosial şəbəkələrdən də izləyə bilərsiniz.
Facebook: / rafadarxalilov
İnstagram: / rafadarxalilov
Mövzu ilə bağlı bu və digər bütün sualların cavabı üçün videonu izləməyi unutmayın.
Mövzumuz göz önündə uçan nöqtələr. Gün ərzində bu şikayətlə gələn çox pasiyentlə qarşılaşırıq. Şikayətləri gözlərinin önündə uçan nöqtələrdir. Bu nöqtələrin bəziləri əvvəldən olur, son zamanlar artır, bir-birinə yapışır, böyüyür və ya bəzi pasiyentlər anidən hiss edirlər. Bu, əvvəldən olanlar uzun müddət gözün daxilində göz yumru olsun deyə, turqorunu tamamlamaqdan ötrü gözün içərisində bir şüşəyəbənzər cisim var. O şüşəyəbənzər cisim təbii halda jele kimidir. Hər hansı bir əlavə səbəbdən, travmadan, yaşdan, yüksək dərəcəli miopiyalardan, metabolizm pozğunluğunda o jeleliyini itirir və mayeləşmiş olur və onun içərisində kiçik fibrotik toxumalar və ya keçirilmiş hər hansı infeksiya nəticəsində olan fibrozlar və ya kiçik damarların qırılması nəticəsində mikro qansızmalar uçan nöqtələri əmələ gətirir. Biz gözümüzü oynatdığımız müddətcə onlar da gözümüzün qabağında hərəkət edirlər. Daha çox işıqlı yerə baxanda onu daha çox hiss edirik. Pasiyentlərin bəziləri getdikcə onun sayının artdığını ifadə edirlər. Bəziləri onların birləşib daha qalınlaşdığını, daha böyüdüyünü ifadə edirlər. Onların sayının artmağı nə deməkdir? O deməkdir ki, bədənimizdə gizli iltihab nöqtələri var, mənbələri var, gizli iltihab mənbələri var. Buna bağlı bizim gözümüzdə bəzi hadisələr cərəyan edir və o fibrin telləri əmələ gəlir. Sayının artmağı budur. Nə ola bilər? Sinüzit ola bilər, qaymorit ola bilər, bəzən revmatizm belə bir problem əmələ gətirə bilir və ya autoimmun proses, bədən daxilində gedən iltihabi proseslər, gizli iltihabi proseslər bunu əmələ gətirə bilir. Yenə də biz müayinə nəticəsində bunun patolojimi və ya fiziolojimi olduğunu təyin edirik. Əgər patolojidirsə, artıq bir terapevtlə bərabər ortaq müalicəyə başlayırıq. Amma əksər hallarda fizioloji olur. Nəsə etməyə, tədbir görməyə ehtiyac qalmır. Belə halda pasiyentlərimizə tövsiyəmiz nə olur? Mümkün qədər o nöqtələrə fikir verməyin. Zamanla beyin o hala öyrəşmiş olur. Biz pasiyentlərə: “Ciddi bir şey deyil, fizioloji haldır, narahat olmayın, önəm verməyin, 3 ay sonra kontrola gəlin”, - deyirik. Bəzən 6 ay sonra çağırırıq, 3 ay sonra çağırırıq. Təkrar kontrola gələndə: “Hə, sizin belə şikayətləriniz var idi. Uçan nöqtələr var idi. Necədir? Aa, hə, həkim, bu yenə də var ki, oradadır”. Artıq beyin ona öyrəşmiş olur. Axtaranda tapırlar. Yoxsa normal halda onlar həmin insanları narahat etmir. Bir də bu uçan nöqtələrin 2-ci bir yaşla əlaqədar, adətən, 55 yaşın üstündə arxa hialoid zarının qopması nəticəsində əmələ gələn ləkələr var. Yaşı 55-i keçən bütün insanlarda - kimisində 55-i, kimisində 57-də, kimisində 60-da - bu hialoid zarı gözün arxasında qopur. Onu da bir az izah edim, niyə qopur? Az öncə dedik axı şüşəyəbənzər cisim var. Necə ki, yaş artdıqca dərimizdə su azalır və qırışmağa başlayır. Həmin o şüşəyəbənzər cismimizdə maye tərkibindəki su azaldığına görə yavaş-yavaş büzüşməyə başlayır. Şüşəyəbənzər cismin ətrafındakı hialoid membranı var, zarı, onu o şəkildə qoruyub-saxlayan, həmin zarla torlu qişa neçə ildir qonşu yaşayıblar. Bir-birinə dirəniblər, söykəniblər. Şüşəyəbənzər cisim büzüşməyə başladıqda torlu qişadan yavaş-yavaş ayrılmalar başlayır. O pasiyentlərdə əvvəlcə gözün qabağında qığılcım: “ Gözüm yumuludur, içəridə şimşək çaxır”, - şikayətləri budur. Bir, əlavə ləkələr əmələ gəldi. Bunlar qopunca qopma hadisəsi qığılcıma səbəb olur və əlavə, bunların arasında əgər kiçik mikrokapilyarlar varsa, onlar partlayır, kiçik qansızmalar olur. O, uçan, qara, yeni əmələ gələn qara ləkələr odur və ya bəzilərində gözün qabağında pərdə sallanır. Şikayət bu olur. Bu da həmin o hialoid pərdəsi qopanda gözün arxasında, sinirə aid hissəsində bir boşluq əmələ gəlir. Həmin pərdə gözün qabağında hərəkət etdikcə oynayır. Yəni pərdə gözün qabağına gəlir. Bu hadisə insanları narahat edir. Hadisənin özü yeni əmələ gəldiyi günlərdə və ya həftədə çox diskomfort yaradır. Amma sonra vaxt keçdikcə, aylar keçdikcə həm onların qalınlığı nazikləşmiş olur, həm də beyin bu hadisəyə adaptasiya etmiş olur və xəstələri çox narahat etmir. Bəzən bu ləkələr bir-biri ilə birləşib qalınlaşmış olur. Gerçəkdən də insanın şüakeçirici mühitlərdə bir bulanıqlıq əmələ gətirir, yəni insanın görməsinə çox maneə törədir. Cərrahdır, iş görə bilmir. Müəllimdir, yazıları yoxlaya bilmir. Gözün qabağında ləkə kimi qalıb. Əgər elə görməyə çox maneə törədəcək bir haldırsa, o zaman YAG lazer vitreolizis dediyimiz bir lazer vasitəsilə onları kiçik parçalara ayırıb sovurulmasını təmin edə bilirik. Bunu icra etmək mümkündür.