Рет қаралды 721
ഓ ഹെൻറി എന്ന തൂലികാനാമത്തിൽ അറിയപ്പെടുന്ന വില്യം സിഡ്നി പോർട്ടറുടെ പ്രശസ്തമായ ചെറുകഥകളിൽ ഒന്നാണ് ഹൃദയങ്ങളും കൈകളും (Hearts and Hands).
തികച്ചും ആത്മകഥാപരമെന്നു വിശേഷിപ്പിക്കാവുന്ന ഈ ചെറുകഥ ഓ ഹെൻറിയുടെ തന്നെ ജയിൽവാസത്തിനുശേഷം എഴുതിയതാണ്. കഥയിലെ നായകനെപ്പോലെ തന്നെ ഓ ഹെൻറിയും താൻ ജോലി ചെയ്തിരുന്ന ബാങ്കിൽ നിന്നും 854. 08 ഡോളർ തട്ടിയെടുത്തിരുന്നു. പോലീസ് നടപടികളിൽ നിന്നും രക്ഷപ്പെടുവാനായി അദ്ദേഹം ഹോണ്ടുറാസിലേക്കു രക്ഷപെട്ടെങ്കിലും രോഗശയ്യയിലായിരുന്നു തൻറെ ഭാര്യക്ക് ശുശ്രൂഷ ചെയ്യുന്നതിനായി അമേരിക്കയിലെ ടെക്സാസിലെ ഓസ്റ്റിൻ നഗരത്തിലേക്ക് തിരിച്ചെത്തിയ വില്യം സിഡ്നി പോർട്ടറെ പോലീസ് കസ്റ്റഡിയിൽ എടുക്കുകയും അഞ്ചുവർഷത്തേക്ക് ജയിൽ ശിക്ഷയ്ക്ക് വിധിക്കുകയും ചെയ്തു. തൻറെ ജയിൽശിക്ഷ തീർന്നു പുറത്തിറങ്ങിയതിനു ശേഷമാണത്രേ അദ്ദേഹം ഈ കഥ എഴുതി പ്രസിദ്ധീകരിച്ചത്.