Облыс орталығында Iqanat республикалық олимпиадасының екінші іріктеу кезеңі басталды. Білім бәсекесіне аймағымыздың түкпір-түкпірінен 600-ге жуық оқушы қатысып жатыр. Жеңімпаздар республикалық кезеңге жолдама алмақ. Бұл додада ауыл балаларының білім деңгейі, шығармашылық және танымдық әрі зияткерлік қырлары сарапқа салынады.
ҚАРЛЫҒАШ АХМЕТОВА - ОБЛЫС БОЙЫНША IQANAT МЕКТЕБІНІҢ КОРДИНАТОРЫ
«Бұл бізде қазан айында аудандық кезең өткізілген болатын, бірінші кезеңі. Облыс бойынша бізден ауданнан 2736 бала бақтарын сынады. Енді қазір сол 2736 баладан 581 баламыз облыстық кезеңге яғни екінші кезеңге өтіп отыр. енді бұдан 50 пайызы өтеді деп толықтай сеніммен айта аламын. Себебі бізде аудандарда дарынды балаларымыз өте көп».
НҰРАЙ ЕСЕТ - ОЛИМПИАДАҒЫ ҚАТЫСУШЫ
«Мен аудандық кезеңнен өтіп, облыстық кезеңге келіп тұрмын. Осы айқанат жобасы арқылы үздік оқушы болғым келеді. Мен биология, химия саласына бейім оқушымын. Медицина саласы өзіме қызықты, сол саланы зерттегім келеді».
Білім бәйгесіне қатысушылар математикалық сауаттылық, оқу сауаттылығы, ағылшын тілі және таңдау пәндері бойынша тест тапсырып жатыр. Жалпы еліміз бойынша 1000 оқушыға республикалық кезеңге жолдама беріледі. Солардың ішіннен оза шапқандары Көкшетау қаласындағы Айқанат мектебінде 2 жыл тегін білім алып, жоғары оқу орнына түсуге дайындалады.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv