Рет қаралды 117,648
മാതാപിതാക്കൾക്ക് ഒരു കുഞ്ഞുപിറക്കുന്നതോടെ കുടുംബത്തിൽ ഒരംഗം കൂടുന്നു. ഒപ്പം രാഷ്ട്രത്തിലെ ഒരു പൌരനും കൂടുകയാണ്. മാതാപിതാക്കൾ ഉത്തരവാദിത്വത്തോടെ ആ കുഞ്ഞിനെ വളർത്തുന്നില്ലെങ്കിൽ രാഷ്ട്രത്തിനു ഭാരമായേക്കാവുന്ന ഒരു പൌരനായിരിക്കും വളർന്നു വരിക. അതു പക്ഷെ തൊഴിലില്ലാത്തൊരു പൌരനോ പൌരയോ ആകാം. ഇണയോടു ക്രൂരത കാട്ടുന്നയാളോ കാലത്തിനൊത്തു മക്കളെ വളർത്താൻ ഉത്തരവാദിത്വം കാട്ടാത്തയാളോ ആയേക്കാം. അതുമല്ലെങ്കിൽ കള്ളനോ കൊലപാതകിയോ പിടിച്ചുപറിക്കാരനോ ആയി വളർന്നേക്കാം. തങ്ങൾക്കു കൊടുക്കാവുന്നതിൽ വച്ച് ഏറ്റവും ഉന്നതമായ വിദ്യാഭ്യാസം കൊടുത്തിട്ടും കൈക്കൂലിക്കാരനോ അഴിമതിക്കാരനോ ആയിത്തീർന്നേക്കാം. മക്കളെ വളർത്തുന്നതിൽ മാതാപിതാക്കൾക്കും മുതിർന്ന കുടുംബാംഗങ്ങൾക്കും അദ്ധ്യാപകർക്കും ഉള്ള രാഷ്ട്രീയ ഉത്തരവാദിത്വം വളരെയേറെയാണ്. ഈ എപ്പിസോഡിലും വരാനിരിക്കുന്ന എപ്പിസോഡുകളിലും ഞങ്ങൾ അതാണു പറയുന്നത്. ഞങ്ങളുടെ ജീവിതകഥയിൽ നിന്ന് വളരെ പ്രധാനമായൊരു ഏട്.