Рет қаралды 2,055
Шымкенттегі полиция департаментінде күдікті Нұрболат Жұмабаевты азаптап өлтірді деп айыпталған бұрынғы тәртіп сақшыларына сот үкімі шықты. Экс-полиция қызметкерлері 2 жылдан 7 жылға дейін бас бостандықтарынан айырылды. Бір жылға жалғасқан сот отырысының нәтижесінде төртеуі де кінәлі деп танылған. Алайда, қос тарап та, экс-погондыларға берілген мерзіммен келіспей сот залында шу шығарды.
Сот залының алдыңғы қатарында отырған бұл сотталушылардың төртеуі де экс-полицейлер. Сот ісінің созылуына байланысты олар бірнеше ай бұрын үй қамаққа жіберілген. Полковник, подполковник шенінде қызмет еткен бұрынғы шенділер тергеуде күдіктіні азаптап, лауазымын асыра пайдаланды деп күдікке ілінген еді.
СВЕТЛАНА ШИНАЛИЕВА, Шымкент қаласының қылмыстық істер жөніндегі ауданаралық сотының судьясы:
- Жәнібеков Уәлихан Смаилович ҚК 146 баптың 3 бөлігінде, 362 баптың 2 бөлігінде қылмысты жасағаны үшін кінәлі деп танылсын. ҚК 146 бабының 3 бөлігінің негізінде құқық қорғау органдарында лауазымды қызмет атқару құқығынан айыра отырып, 7 жылға бас бостандығынан айырылсын.
Бір жылға жалғасқан сот отырысының нәтижесінде Шымкенттегі криминалды полиция басқармасының бастығы 7 жыл 6 айға, оның орынбасары 7 жылға, Қаратау аудандық полиция бөлімінің криминалды басқарма басшысы 3 жыл 6 айға, ал жедел уәкілі 2 жылға сотталды.
УӘЛИХАН ЖӘНІБЕКОВ, сотталушы:
- Келіспеймін. Үкіммен келіспеймін.
Күдіктіні азаптап, өліміне себеп болды деп сотталған экс-полицейлер сот залынан қамауға алынды. Ал, марқұмның жақындары болса берілген мерзімнің тым аз екенін айтады. Олар енді аппеляцияға жүгінбек.
ТАЛҒАТ ЕСІМОВ, адвокат:
- Біздің пікірімізше аз жыл берілді деп есептейміз. Өйткені оларға прокурор 8 бен 9 жыл арасында сұрады. Сондықтан үкімді алып апелляция береміз деп ойлап отырмыз. Жазаларын ауырлатуына байланысты.
Еске салайық, қайғылы оқиға 2021 жылдың 8 желтоқсанында Шымкентте болған еді. Қалыңдығын әкетуге келген қостанайлық жігіт көлік ұрлады деген айыппен тергеуге жеткізілген. Бірақ, жауап беруге өз аяғымен барған 30 жастағы Нұрболат Жұмабаевтың Полиция департаментінен мәйіті шықты. 17 желтоқсан күні үйлену тойы белгіленген ол осылайша туған жеріне жеткізіліп жер қойнына тапсырылды.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал