Рет қаралды 5,243
Антисептикалық әсер. Ащы жалбызды проблемалық терісі бар адамдарға қолдану ұсынылады. Жалбыз керемет бактерицидті құрал болғандықтан, оның қайнатпасын тоник немесе лосьон ретінде ойланбастан қолдануға болады. Жалбызды безеу бөртпесінің немесе басқа да тері ауруының алдын алу үшін қолданады. Құрғатушы әсер. Жалбыз жапырақтары теріні жеңіл майсыздандыруға көмектеседі, сондықтан майлы теріге күтім ретінде қолданылады. Жалбыз май бөлінуін реттеп, теріні аздап құрғатуға көмектеседі. Сергіткіш қасиет. Ментолдың балғындық беретін қасиеті барлығына белгілі. Жалбыз бет терісін қуаттандырып, ыстық күні салқындатуға көмектеседі. Сондықтан, жалбызы бар суды бетке себуге қолдануға болады. Тыныштандыратын қасиет. Жалбыз тітіркенуді жақсы кетіреді, сондықтан оны ұйықтар алдында жуынуға пайдалануға болады. Жалбызды қолдану әдістері: Маскалар. Ұсақтап туралған ащы жалбыз жапырақтары қоректендіргіш, ылғалдандырғыш және жасартушы маскалардың құрамы бола алады. Оны сұлы жармасымен, ашытқымен, балмен, зәйтүн майымен, сүзбемен немесе йогуртпен бірге қолдануға болады. Бұл ингредиенттерді тері типіне қарай таңдайсыз.
#жалбыз #жалбызпайдасы #мята